जळगाव ( प्रतिनिधी ) : भरधाव डंपरने दोन दुचाकींना धडक दिल्याने विकास बाबुलाल वाघ (वय ४२, रा. नांद्रा बुद्रुक, ता. जळगाव) व अन्य एक, असे दोन जण जखमी झाले. ही घटना दि. ६ एप्रिल रोजी आव्हाणे ते खेडी दरम्यान वळणावर झाला. यात वाघ यांच्या पायाचा अंगठा तुटण्यासह हात फॅक्कर झाला असून त्यांच्यावर उपचार सुरु आहेत.
तालुक्यातील नांद्रा बुद्रुक येथे राहणारे विकास वाघ हे मजुरी काम करतात. ते दि. ६ एप्रिल रोजी नांद्रा बुद्रूक येथून दुचाकीने जळगावला येत होते. त्या वेळी समोरून येणाऱ्या भरधाव (एमपी ४८, एच ०५८३) क्रमांकाच्या डंपरने त्यांना व त्यांच्या मागील दुसऱ्या दुचाकीलाही धडक दिली. यात दोघेही जण जमिनीवर कोसळले. धडक एवढी जोरात होती की, वाघ यांच्या डाव्या पायाचा अंगठा तुटला असून डावा हात फॅनर झाला. तर दुसऱ्या जखमीलाही जबर मार लागला.
बालंबाल बचावले दुचाकीस्वार
भरधाव डंपरने धडक दिल्यानंतर या अपघातात दोन्ही दुचाकी डंपरच्या चाकाजवळ आल्या. सुदैवाने डंपर थांबले व दुचाकीस्वार बालंबाल बचावले. जखमींना रुग्णालयात दाखल करण्यात आले असून त्यांच्यावर उपचार सुरू आहेत. या प्रकरणी विकास वाघ यांनी तालुका पोलिस ठाण्यात फिर्याद दिली. त्यावरून डंपर चालकाविरुद्ध गुन्हा दाखल करण्यात आला आहे.
