मुंबई (वृत्तसंस्था) भाजपचे बंडखोर नेते एकनाथराव खडसे हे थोड्याच वेळात राष्ट्रवादी काँग्रेस पक्षात प्रवेश करणार आहे. तर खडसेंसह ७२ जणांचा प्रातिनिधिक स्वरुपात राष्ट्रवादीत प्रवेश करणार असल्याची घोषणा जयंत पाटील यांनी केली आहे.
खडसेंसह ७२ जणांचा प्रातिनिधिक स्वरुपात राष्ट्रवादीत प्रवेश करणार असल्याची घोषणा जयंत पाटील यांनी केली आहे. तसेच खडसेंनी कोणत्याही पदाची मागणी केलेली नसल्याचेही श्री. जयंत पाटील म्हणाले. थोड्याच वेळात खडसेंचा राष्ट्रवादीत पक्षप्रवेश होणार आहे. राष्ट्रवादीच्या ११ दिग्गज नेत्यांच्या उपस्थितीत खडसेंचा पक्षप्रवेश होत आहे. तर प्रकृतीच्या कारणास्तव अजित पवार या सोहळ्याला उपस्थित राहणार नाहीत. एकनाथराव खडसे काही वेळातच वाय.बी. चव्हाण सेंटरकडे जाण्यासाठी निघणार आहेत. तर दुसरीकडे खडसेंच्या घराबाहेर कार्यकर्त्यांची तुफान गर्दी केल आहे.
खडसेंच्या प्रवेश सोहळ्याला राष्ट्रवादी काँग्रेसचे राष्ट्रीय अध्यक्ष शरद पवार, ज्येष्ठ नेते खासदार प्रफुल पटेल, खासदार सुनिल तटकरे, खा. सुप्रियाताई सुळे, प्रदेशाध्यक्ष जयंत पाटील, ज्येष्ठ नेते आणि अन्न व नागरी पुरवठा मंत्री छगन भुजबळ, कामगार मंत्री दिलीप वळसे पाटील, गृहमंत्री अनिल देशमुख, अन्न व औषध प्रशासन मंत्री डॉ. राजेंद्र शिंगणे, विधानसभेचे माजी अध्यक्ष अरुण गुजराथी, गृहनिर्माण मंत्री जितेंद्र आव्हाड आदी मान्यवर उपस्थित राहणार आहेत.
