धरणगाव (प्रतिनिधी) एरंडोल व धरणगाव तालुका माध्यमिक शिक्षक व शिक्षकेतर कर्मचारी पतपेढीच्या चेअरमनपदी चावलखेडा हायस्कूलचे शिक्षक धनराज भगवान मनोरे यांची तर व्हाईस चेअरमनपदी नितीन कत्री यांची बिनविरोध निवड करण्यात आली.
संचालक मंडळाच्या सभेत निवडणूक निर्णय अधिकारी एस डी पाटील यांच्या अध्यक्षतेखाली सभा घेण्यात आली. चेअरमन पदासाठी धनराज मनोरे यांचा एकमेव अर्ज असल्याने त्यांची चेअरमन पदासाठी बिनविरोध निवड घोषित करण्यात आली. तत्कालीन चेअरमन राजू झगा पाटील यांनी ठरल्याप्रमाणे राजीनामा दिल्यामुळे नवनियुक्त पदाधिकाऱ्यांची निवड करण्यात आली. याप्रसंगी संस्थेचे संचालक हेमंत महाजन, प्रमोद पाटील, जितेंद्र बोरसे, नंदलाल भावसार, प्रशांत आहिरे, सुषमा बाविस्कर, भारती पाटील, चिटणीस चंद्रकांत महाले, संस्थेचे लिपिक वाल्मीक बोरसे, रवी महाजन उपस्थित होते.
सदर निवड बद्दल निळकंठेश्वर शिक्षण प्रसारक मंडळाचे अध्यक्ष आबासाहेब पी.सी.पाटील, सचिव चिंतामण पाटील, विलास पाटील, पिंप्री खुर्दचे सरपंच नानाभाऊ बडगुजर, उपसरपंच मंगल आन्ना पाटील, रवींद्र चव्हाण, के पी पाटील, संदीप घुगे, पी एस पवार, डी आर चव्हाण, व्ही आर पाटील, जी बी पाटील व सर्व शिक्षक बंधू यांनी अभिनंदन केले.
