जळगाव (प्रतिनिधी) चोपडा येथील माजी आमदार चंद्रकांत सोनवणे यांचे वडील तथा जळगाव बाजार समितीचे माजी सभापती बळीराम सोनवणे यांचे आज सायंकाळी वृध्दापकाळाने निधन झाले. त्यांच्या पार्थिवावर उद्या सकाळी अंत्यसंस्कार करण्यात येणार आहेत.
बळीराम दादा सोनवणे हे शहरातील विविध क्षेत्रात कार्यरत असलेले एक व्यक्तिमत्व होते. उत्कृष्ट कबड्डीपटू, प्रगतशील शेतकरी आणि यशस्वी राजकारणी अशी त्यांची ओळख होती. सिताराम सोनवणे यांच्याकडून कबड्डीचे धडे गिरवत बळीराम सोनवणे हे कबड्डीपटू म्हणून राज्यभर प्रसिद्ध होते. नियमित व्यायाम केल्यामुळे ते आजही धडधाकट होते. मध्यंतरी काँग्रेसमध्ये ते सक्रिय झाले होते. काही वर्षांपूर्वी कृषी उत्पन्न बाजार समितीचे सभापतीपद देखील त्यांनी भूषविले होते. बळीराम तोताराम सोनवणे (वय ८५) यांचे आज सायंकाळी ५.३० वाजता वृद्धापकाळाने निधन झाले. त्यांचीअंत्ययात्रा जयकिसन वाडी येथून सकाळी १०.०० वाजता राहते घरून नेरी नाका स्मशानभूमी येथे जाणार आहे.
