जळगाव प्रतिनिधी । जळगाव तालुक्यातील उमाळे गावात राहणाऱ्या अनिल कमलाकर जाधव वय-३५, रा. उमाळे ता.जि. जळगाव या तरुणाचा गावाजळील पाझर तलावाजवळ मंगळवारी २४ जुलै रोजी सकाळी ७ वाजता मयतस्थितीत मृतदेह आढळून आल्याने खळबळ उडाली आहे. तरूणाचा मृत्यू कोणत्या कारणामुळे झाला हे अद्याप समोर आलेले नाही. यावेळी शासकीय वैद्यकीय महाविद्यालयात नातेवाईकांनी गर्दी केली होती. तरूणाचा मृत्यूबाबत तर्कवितर्क केले जात आहे. एमआयडीसी पोलीसात याबाबत नोंद करण्यात आली आहे.
नातेवाईकांनी दिलेली माहिती अशी की, अनिल जाधव हा तरूण आपले आई-वडील यांच्यासह जळगाव तालुक्यातील उमाळे गावात वास्तव्याला होता. शेतमजुरीचे काम करून तो आपला उदरनिर्वाह करत होता. मंगळवारी २३ जुलै रोजी सकाळी ७ वाजता उमाळे गावापासूनजवळ असलेल्या एका पाझरतलावाजवळ त्याचा मयतस्थितीत मृतदेह आढळून आला. दरम्यान मेडीकल कॉलेजात जाणारे पाण्याचे ट्रॅक्टर घेवून जाणाऱ्या चालकांच्या लक्षात आली. त्यानुसार गावातील तरूणांनी उचलून जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषित केले. दरम्यान याबाबत एमआयडीसी पोलिसात अकस्मात मृत्यूची नोंद घेण्याचे काम सुरू होते. परंतू तो अविवाहित असल्या कारणामुळे काही दिवसांपासून मानसिक तणावात होता अशी माहिती गावातील मित्रपरिवाराने दिली. मयत अनिल जाधव यांच्या पश्चात आई मंगलाबाई, वडील कमलाकर जाधव, दोन भाऊ निलेश आणि संजय आणि विवाहित बहीण असा परिवार आहे.
