पाचोरा (प्रतिनिधी) लोहारी गावाजवळ दोन अज्ञात आरोपींनी एका मोटार सायकलस्वाराला अडवून सोन्याच्या दागिन्यांसह रोकड लुटल्याची खळबळजनक घटना शुक्रवारी रात्री सव्वा आठ वाजेच्या सुमारास घडलीय.
या संदर्भात अधिक असे की, धरमसिंग विजयसिंग राजपूत (वय ३८, रा. पळासी ता. सोयगाव जिल्हा औरंगाबाद) हे शुक्रवार (दि. ४ फेब्रुवार) रोजी रात्री आपल्या मोटरसायकलने त्यांच्या मुलासह मोटार सायकलने जामनेर येथून जारगाव-पाचोरामार्गे पळाशी येथे जात होते. रात्री साधारण सव्वा आठ वाजेच्या सुमारास लोहारी गावाजवळील इंदीरा नगर भागाजवळ त्यांच्या मोटर सायकल अचानक मागून येणाऱ्या पांढऱ्या रंगाच्या स्विप्ट डिझायर सारख्या वाहणाने अडवले. कारमधील एकाने खाली उतरत धरमसिंग यांना म्हणाला की, मी तुला कधीचा शोधत म्हणत त्यांने धरमसिंग यांच्या मोटार सायकलला लाथ मारून खाली पडली. त्यानंत मोटार सायकलच्या हँन्डलला लटकवलेली रोख रक्कम व सोन्याचे दागीने असलेली निळ्या रंगाची बँग जबरीने हिसकावून पळ काढला.
या बॅगमध्ये २५ हजार रुपये किंमतीचे तीन ग्रॅमच्या सोन्याचे गव्हले मनी व दोन ग्रॅमचे सोन्याचे पेंडल, १५,९०० रुपये किंमतीची आठ ग्रॅमची सोन्याची पोत, ४४०० रुपये रोकड असा एकूण ५०,३०० रुपये चोरट्यांनी लंपास केला आहे. दरम्यान, दोघां आरोपींपैकी एकाने काळ्या रंगाची पॅन्ट व काळ्या रंगाचा कोट व काळी टोपी घातलेली होती. त्याची उंची सुमारे ५.५ फूट उंची व त्याच्या तोंडावर सफेद रंगाचा हिरवा पट्टा असलेला रुमाल बांधलेला होता. त्याचे वय अंदाजे ४२ वर्षे असेल. तर दुसऱ्या संशयित अर्थात गाडीवरील ड्रायव्हर याचे चेहऱ्यावर कोड फुटलेले होते आणि त्याचे वय अंदाजे ४० वर्षे असेल. या संदर्भात भादवि कलम ३९४,३४ प्रमाणे गुन्हा दाखल करण्यात आला असून पुढील सपोनि कृष्णा भोये हे करीत आहेत.
