नगरदेवळा, ता. पाचोरा (प्रतिनिधी) नगरदेवळा येथील चुंचाळे शिवारात अंगावर वीज कोसळल्याने शेतकऱ्याचा मृत्यू झाला आहे. तर दुसरीकडे एका शेतकऱ्याच्या शेतातील १ बैल व २ वासरु यांचाही वीज कोसळल्याने मृत्यू झाल्याची घटना घडली. यामुळे परिसरात हळहळ व्यक्त केली जात आहेत.
पांडुरंग त्र्यंबक महाजन (वय ६५) असे मयत शेतकऱ्यांचे नाव आहे. पांडुरंग महाजन हे निवृत्त शिक्षक होते. दरम्यान, आज ते नेहमीप्रमाणे आपल्या शेतात गेले होते. सायंकाळी साडेसहा वाजेच्या सुमारास वीज कोसळल्याने त्यांचा दुर्दैवी मृत्यू 1. झाल्याची घटना घडली. तर दुसरीकडे प्रकाश चिंधा महाजन यांच्या शेतातील १ बैल, २ वासरू ही वीज कोसळल्याने ठार झाले आहेत. दरम्यान, पाचोरा तालुक्यातील नगरदेवळा परिसरात शुक्रवारी विजेच्या गडगडाटासह मुसळधार पावसाने हजेरी लावली. या वेळी पांडुरंग महाजन हे त्यांच्या चुंचाळे शिवारातील शेतात असताना त्यांच्या अंगावर वीज कोसळली. यामुळे त्यांचा जागीच मृत्यू झाला. तसेच नगरदेवळा परिसरात चुंचाळे शिवारात प्रकाश चिंधा महाजन यांच्या शेतातील १ बैल, २ वासरु ही वीज कोसळल्याने जागीच ठार झाले आहेत. दरम्यान, नगरदेवळा परिसरात वादळी वाऱ्यासह दमदार पावसाने हजेरी लावल्यामुळे परिसरात वीज प्रवाह खंडीत झाला होता.
