जळगाव (प्रतिनिधी) धरणगाव तहसीलदार नितीन देवरे यांच्याविरुद्ध जिल्हाधिकारी कार्यालयासमोर गुरूवारी दुपारी धरणे आंदोलन करण्यात आले होते. हे धरणे आंदोलन करणाऱ्या जिल्हा परिषद सदस्या माधूरी अत्तरदे यांच्यासह सहा जणांविरूध्द जिल्हापेठ पोलीस ठाण्यात काल रात्री उशीरा गुन्हा दाखल करण्यात आला आहे.
याबाबत अधिक माहिती अशी की, जिल्हा परिषद सदस्या माधूरी अत्तरदे, बांभोरीचे माजी सरपंच राकेश नन्नवरे, कविता राकेश नन्नवरे, वर्षा मनोज झोपे, नयना दीपक चौधरी, सुनिता नितीन बोरोले यांनी धरणगावकरांना न्याय देण्यासाठी यांच्यासह विविध मागण्यांसाठी तहसीलदार नितीन देवरे यांच्याविरोधात जमावबंदीचे आदेश असतांना तसेच साथरोग प्रतिबंध कायदा लागू असतांना देखील ७ मे रोजी जिल्हाधिकारी कार्यालयासमोर आंदोलन करीत नियमांचे उल्लंघन करण्यात आले.
याप्रकरणी जि.प. सदस्या माधूरी अत्तरदे यांच्यासह सहा जणांविरुद्ध कोरोनाचे नियमांचे उल्लंघन केल्याप्रकरणी जिल्हा पेठ पोलीस ठाण्यात पोलीस विकास पहूरकर यांच्या फिर्यादीवरून गुन्हा दाखल करण्यात आला आहे. याप्रकरणी पुढील तपास पोलीस नाईक जितेंद्र सुरवाडे करीत आहे.
