धरणगाव (प्रतिनिधी) शहरालगत असलेले वादग्रस्त अतिक्रमण काढतांना आमच्या धार्मिक भावना दुखावण्यात आल्या आहेत. त्यामुळं त्याठिकाणी पुन्हा एकदा पूर्वीप्रमाणे तावीज (समाधी) बांधण्याची स्वखर्चातून परवानगी देण्यात यावी, या मागणीसाठी राष्ट्रावादीचे माजी नगरसेवक हाजी इब्राहीम हे उपोषण करणार होते. परंतू त्यांनी मागणी केलेली उपोषणाची जागा ही सार्वजनिक बांधकाम विभागाची असल्याचे पत्र पालिकेने दिले आहे. त्यामुळे हाजी इब्राहीम यांना उपोषणाला बसता येणार नाहीय.
माजी नगरसेवक हाजी इब्राहीम यांनी आम्हाला शांतता कमेटीच्या बैठकीत चुकीची माहिती देण्यात आल्याचा आरोप करत प्रशासकीय अधिकाऱ्यांनी मिळून आमची आस्था व श्रद्धेला पायदळी तुडविलेले आहे. तसेच भारतीय संविधान व घटनाबाह्य कार्य केलेले आहे. एवढेच नव्हे तर, महाराष्ट्र राज्य वफ्क अधिनियमांचेही सर्रास उल्लंघन करण्यात आलेए. त्यामुळे आमच्या आस्था व श्रद्धेचे प्रतिक असलेल्या धार्मिक स्थळाची पुर्नस्थापना येत्या ८ दिवसांत करून मिळावी, अन्यथा मला नाईलाजास्तव आमरण उपोषण करावे लागेल, असा ईशारा दिला होता. परंतू आपण शहरातील छत्रपती शिवाजी महाराज यांच्या स्मारकाजवळ आमरण उपोषण आंदोलनासाठी केलेली जागा ही सार्वजनिक बांधकाम विभागाची असल्याचे पत्र पालिकेने दिले असल्याची माहिती हाजी यांनी दिली आहे.
