जळगाव (प्रतिनिधी) जळगाव महानगर पालीका हददीतील जुने बांधीव घराची सौदापावतीमधील व्यवहारात धरणगाव येथील बिल्डरची फसवणूक करून जीवे ठार मारण्याची धमकी दिल्याची घटना समोर आली आहे. जुन्या घराची सौदा पावती करून एक कोटी १५ लाख रुपये घेऊनही मिळकतीची खरेदी करून देण्यास टाळाटाळ केल्याप्रकरणी जळगाव शहर पोलीस स्थानकात गुन्हा दाखल करण्यात आला आहे.
धरणगाव येथील सुनील चौधरी यांचा बांधकाम (बिल्डर) तसेच जमीन खरेदी-विक्रीचा व्यवसाय आहे. जळगाव महापालिका हद्दीतील सिटी सर्व्हे क्रमांक २११२/६०या जुन्या बांधीव घराचा व्यवहार ठरवून सौदापावती करण्यात आली होती. यासाठी सुनील चौधरी यांच्याकडून समोरील मनोज वाणी व सौ. मनोज कल्पना वाणी, (दोन्ही रा २२, जिल्हा परिषद कॉलणी, गणेश कॉलणी जळगाव), शैलेंद्र हेमचंद्र भिरुड व सौ. हेमलता ऊर्फ तनुजा शैलेंद्र मिरुड (दोन्ही रा. हेमल महाबळ कॉलणी जळगाव), सौ. तिलोत्तमा दिपक इंगळे व श्री. दिपक पितांबर इंगळे, (दोन्ही रा. मामलदे ता. चोपडा जि. जळगाव), श्री संदीप हरीभाऊ पाटील (रा श्रीकृष्ण कॉलणी, जळगाव), श्री राजेंद्र गोपाळ सावदेकर (रा. आसोदा, ता. जि. जळगाव), श्री. शेखर भास्कर भिरुड, श्री. शिरीष भास्कर भिरुड, श्री. नरेंद्रकुमार दत्तात्रय भिरुड, श्री ज्ञानेश्वर दत्तात्रय भिरुड, श्री गौरव कृष्णा भिरुड (क्रं ९ ते १३ रा. हेमल महाबळ कॉलणी जळगाव) अशा १३ व्यक्तींनी १ कोटी १५ लाख रुपये घेवून करारनामा केला होता. त्यानंतर सुनील चौधरी यांना सदर मिळकतीची खरेदी करून देण्यास टाळाटाळ केली जात होती. त्यामुळे चौधरी यांनी दिलेले पैसे परत मागितले असता त्यांना जिवे ठार मारण्याची धमकी देण्यात आली. हा प्रकार १५ मे २०२३ ते ३ फेब्रुवारी २०२५ दरम्यान घडला. या प्रकरणी शहर पोलिस ठाण्यात १३ जणांविरुद्ध गुन्हा दाखल करण्यात आला आहे. याप्रकरणी बिल्डर सुनील चौधरी यांनी दिलेल्या फिर्यादीवरून जळगाव शहर पोलीस स्थानकात १३ जणांविरुद्ध फसवणुकीचा गुन्हा दाखल झाला आहे. तसेच पुढील तपास सहाय्यक पोलीस निरीक्षक शीतलकुमार नाईक हे करीत आहेत.
