मुक्ताईनगर (प्रतिनिधी) तालुक्यात वाढलेल्या गुन्हेगारीची जनतेतील भीती काढण्यासाठी काही दिवसांपुर्वी मुक्ताईनगर तालुक्यात माजी सैनिकांचा खून करणाऱ्या आरोपींना पकडून पोलीस निरीक्षक राहूल खताळ यांनी गुडांची कुऱ्हा परिसरातून धिंड काढून जनतेमधील भिती दूर केली आहे. यावेळी जनतेने पोलिसांचे आभार मानले आहे.
यासंदर्भात अधिक असे की, गेल्या काही दिवसांपासून मुक्ताईनगर तालुक्यात वाढलेल्या गुन्हेगारीच्या विरोधात परीसातील सामाजिक कार्यकर्त्यांनी पोलिस निरीक्षक राहुल खताळ यांना निवेदन दिले होते. या वाढत्या गुन्हेगारीची दखल घेत पोलिस निरीक्षक राहुल खताळ यांनी काही दिवसांपूर्वी घडलेल्या माजी सैनिकांच्या खुनाच्या आरोपींना पकडून त्यांना कुऱ्हा परिसरात त्यांची जनतेतील भीती काढण्यासाठी धिंड काढण्यात आली. कोणत्याही प्रकारची गुंडगिरी व दबंगगिरी खपवून घेतली जाणार नाही अशी प्रतिक्रिया पोलीस निरीक्षक राहूल खताळ यांनी दिली आहे.
जनतेने मानले पोलिसांचे आभार
गावातून गुंडांची धिंड काढल्यामुळे पोलीस निरीक्षक राहुल खताळ, एएसआय निकम, पोलीस अमलदार लाठे, पोलीस कॉन्स्टेबल सागर सावे, पोलीस कॉन्स्टेबल नावकर व कुऱ्हा पोलीस स्टेशनला कार्यरत असणारे सर्व पोलिस कर्मचारी यांचे पंचक्रोशीतील जनतेनी त्यांच्या कार्याची प्रशंसा केली व त्यांचे आभार मानण्यात आले.
