जळगाव (प्रतिनिधी) – थंड शीतपेयातून गुंगीचे औषध देत ३१ वर्षीय महिलेवर तिच्या नात्यातील दोघांनी सामुहीक अत्याचार केला. ही धक्कादायक घटना एमआयडीसी पोलीस ठाण्याच्या हद्दीत दि. १४ मार्च रोजी घडली. याप्रकरणी संशयित राजेश शिवराम पवार (रा. मेहरुण) व राजेंद्र शंकरसिंह पवार (रा. रामेश्वर कॉलनी) या दोन जणांविरुद्ध गुन्हा दाखल करण्यात आला असून संशयित राजेश पवार याला अटक करण्यात आली आहे.
शहरातील एमआयडीसी पोलीस ठाण्याच्या हद्दीत ३१ वर्षीय महिला वास्तव्यास आहे. वॉचमन म्हणून काम करणाऱ्या महिलेला तिच्या नात्यातीलच राजेश पवार याने शीतपेयातून गुंगीचे औषध दिले. त्यानंतर तिला राजेंद्र पवार याच्या घरी घेऊन जात तेथे दोघांनी अत्याचार केला.महिला शुद्धीवर आली व हा प्रकार तिच्या लक्षात आल्यानंतर तिने एमआयडीसी पोलिस ठाण्यात फिर्याद दिली. त्यावरून दोघांविरुद्ध गुन्हा दाखल करण्यात आला. यातील राजेश पवार याला अटक करण्यात आले. दुसरा संशयित राजेंद्र पवार हा पसार झाला. पुढील तपास सहायक निरीक्षक गणेश वाघ करीत आहेत.
