जळगाव (प्रतिनिधी) गिरीशभाऊ हे शरद पवार यांच्या भेटीसाठी बारामतीत असल्याची चर्चा अफवा असून ते औरंगाबादमध्ये प्रचारात व्यस्त आहेत. त्यामुळे भाऊ बारामतीला जाण्याचा प्रश्नचं येत नाही, अशी माहिती श्री. महाजन यांचे स्वीय सहाय्यक अरविंद देशमुख यांनी ‘द क्लिअर न्यूज’शी बोलतांना दिली आहे.
अरविंद देशमुख यांनी सांगितलं गिरीशभाऊ पदवीधर निवडणुकीच्या व्यस्त आहेत. दररोज अनेकांच्या भेटी घेत आहेत. दररोज स्थानिक पत्रकारांशी संपर्क ठेवून आहेत. त्यामुळे भाऊ बारामतीला गेले ही अफवा असून विनाकारण प्रतिमा मलीन करण्याचा प्रयत्न आहे. बीएचआरच्या प्रकरणाशी विनाकारण भाऊंचे नाव जोडून काही लोकं राजकारण करताय. दरम्यान, मागील दोन दिवसापासून गिरीश महाजन हे राष्ट्रवादीचे सर्वेसर्वा शरद पवार यांची भेट घेण्याचा प्रयत्न करत असल्याची चर्चा अफवा असल्याचे पुन्हा एकदा श्री. देशमुख यांनी स्पष्ट केले.
