जळगाव (प्रतिनिधी) माजी मंत्री गुलाबराव देवकर यांच्या घरकुल प्रकरणातील शिक्षेवरील स्थगितीबाबत दाखल याचिकेच्या सुनवाईसाठी पुढील तारीख २२ नोव्हेंबर देण्यात आली. तर जिल्हा बँकेसाठी २१ तारखेला मतदान आहे. त्यामुळे एकप्रकारे देवकरांना मोठा दिलासा मिळाला आहे.
सामाजिक कार्यकर्ते पवन ठाकूर यांनी माजी मंत्री गुलाबराव देवकर यांच्या शिक्षेवरील स्थगिती उठविण्याबाबत याचिका दाखल केली आहे. या याचिकेवर आज निर्णय होणार होता. परंतू आज न्यायालयाने सुनवाईची पुढील तारीख २२ नोव्हेंबर दिली. दुसरीकडे जिल्हा बँकेसाठी २१ तारखेला मतदान आहे. तर मतमोजणी २२ तारखेला आहे. थोडक्यात सुप्रीम कोर्टाचा काहीही आला तरी देवकर यांचा किमान निवडणूक लढण्याचा मार्ग आज तरी मोकळा झाला आहे. देवकरांना दिलासा मिळाल्यामुळे महाविकास आघाडीच्या पॅनलचा जीव भांड्यात पडला आहे.
घरकुल प्रकरणी झालेल्या शिक्षेवर आरोपींनी स्थगिती मिळवली होती. दरम्यान, माजी मंत्री गुलाबराव देवकर यांनी जिल्हा बँकेच्या होणाऱ्या निवडणुकीसाठी इतर मतदारसंघातून उमेदवारी अर्ज दाखल केला आहे. तर महाविकास आघाडीने या निवडणुकीत आधीच बहुमत मिळवले आहे.
