चोपडा (प्रतिनिधी) येथील केजीएन कॉलनी नायरा पेट्रोल पंपच्या मागील गल्लीमध्ये घराच्या बाजूस असलेल्या गोडाऊनमध्ये पोलीसांनी धाड टाकून तब्बल 1 लाख 87 हजार रुपयांचा गुटखा जप्त केला. तसेच यावेळी आरोपीला अटक करण्यात आली असून गुन्हा दाखल करण्यात आला आहे.
पोलिसांना गुप्त माहितीवरून मिळालेल्या माहितीनुसार, पोलीसांनी अधिक तपास करून सदरील इसमाचा घरी धाड टाकली. दि. 24 रोजी पहाटे तीन वाजेच्या सुमारास मोहम्मद कादिश शेख आयुब (वय 38 राहणार केजीएन कॉलनी नायरा पेट्रोल पंप)च्या मागील गल्लीमध्ये राहत असलेल्या घराच्या बाजूस असलेल्या गोडाऊनमध्ये पोलिसांनी धाड टाकून प्रतिबंध असलेल्या पान मसाला व सुंगधीत तंबाखू / जर्दा असा 1लाख 87 हजार 380 रुपयांचा मुद्दे माल जप्त केला आहे. याप्रकरणी चोपडा शहर पोलीस स्टेशनला गुन्हा नोंद करण्यात आला असून पोलिसांनी आरोपीला ताब्यात घेतले आहे.
चाळीसगाव अपर पोलीस अधीक्षक कविता नेरकर (पवार) तसेच चोपडा उप विभागीय पोलीस अधिकारी आण्णासाहेब घोलप, पोलीस निरीक्षक मधुकर साळवे, स.पो.नि एकनाथ भिसे, पो.उ.नि. अनिल भुसारे, पो.उ.नि. जितेंद्र वालटे, पो.उ.नि विजय देवरे, पो.उ.नि योगेश्वर हिरे, स.पो.उ.नि जितेंद्र सोनवणे, पोहेकों संतोष पारधी, पोहेको शिपी, पोहेकों ज्ञानेश्वर जवागे, पोना संदिप भोई, पोको प्रकाश मथुरे, पोकों प्रमोद पवार, पोको विनोद पाटील, पोकों अमोल पवार, पोकों मदन पावरा, पोकों रजनिकांत भास्कर, पोकों अक्षय सुर्यवंशी, पोकों समा तडवी यांनी ही कारवाई केली.
