चाळीसगाव (प्रतिनिधी) आमदार मंगेश चव्हाण यांच्या संकल्पनेतून व भारतीय जनता पार्टी व शिवनेरी फाऊंडेशन तर्फे MH52 एकदंत भव्य सांस्कृतिक महोत्सव 2024 चे आयोजन चाळीसगाव येथील छत्रपती शिवाजी महाराज चौक शेजारील मैदानात करण्यात आले होते. तसेच या सांस्कृतिक महोत्सवाला भेट देणाऱ्या महिलांसाठी लकी ड्रॉ देखील ठेवण्यात आला होता. हा लकी ड्रॉ कु. ज्ञानदा दुसे हिला लागला असून तिला इलेक्ट्रिक स्कूटर बक्षीस म्हणून मिळाली.
आमदार मंगेश चव्हाण यांच्या नेतृत्वाखाली आयोजित केलेल्या लकी ड्रॉ सोडतीत, अत्यंत सर्वसामान्य परिस्थितीतील कु. ज्ञानदा दुसे हिला इलेक्ट्रिक स्कूटर बक्षीस मिळाली आहे. ज्ञानदा ही एक अत्यंत मेहनती आणि साध्या कुटुंबातील मुलगी तिचे वडील भाजीपाला दुकानात मजुरी करतात. या पार्श्वभूमीवर मिळालेले बक्षीस हे ज्ञानदा हिच्यासाठी स्वप्नवत ठरले आहे. यावेळी आमदार मंगेश चव्हाण यांनी ज्ञानदाचे खास अभिनंदन केले आणि तिला स्कूटरच्या चाव्या सुपूर्द केल्या. परंतु, ज्ञानदा हिला स्कूटर चालवता येत नसल्याने स्वतः मंगेश चव्हाण यांनी तिचा सारथी होण्याचा निर्णय घेवून तिला घरी सोडले.
