जळगाव (प्रतिनिधी) शहरातील सागर नगरात तरूणाचे बंद घर फोडून घरातून ५७ हजार २४७ रूपये किंमतीचे सोन्याचे दागिने आणि ३ हजार रूपयांची रोकड असा मुद्देमाल चोरून नेल्याची घटना १५ सप्टेंबर रोजी सकाळी ११ वाजता समोर आले आहे. याप्रकरणी मंगळवारी १७ सप्टेंबर रोजी दुपारी २ वाजता शनीपेठ पोलीस ठाण्यात गुन्हा दाखल करण्यात आला आहे.
जळगाव शहरातील सागर नगरातील पाण्याच्या टाकीजवळ देविदास अनिलकुमार पैठणे वय ३८ हे आपल्या परिवारासह वास्तव्याला आहेत. खासगी नोकरी करून आपला उदरनिर्वाह करतात. १० सप्टेंबर रोजी सकाळी साडेआठ वाजेपासून त्यांचे घर बंद होते. याचा फायदा घेत अज्ञात चोरट्यांनी घराचे कुलूप व कोयंडा तोडून आत प्रवेश करत घरातून सोन्याचे दागिने आणि रोकड असा एकुण ५७ हजार २४७ हजार रूपये किंमतीचा ऐवज चोरून नेले., ही घटना १५ सप्टेंबर रोजी सकाळी ११ वाजता उघडकीला आले. याप्रकरणी मंगळवार १७ सप्टेंबर रोजी दुपारी २ वाजता शनीपेठ पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस उपनिरीक्षक नंदकिशोर पाटील हे करीत आहे.
