पातोंडा ता.अमळनेर (प्रतिनिधी) येथून जवळ असलेल्या खौशी येथील अनुप बोरसे यांचे चिरंजीव हिमांशू बोरसे याला मेकॅनिकल इंजिनियरमध्ये एमएस करण्यासाठी अमेरिकेतील लुशियाना टेक युनिव्हर्सिटी रश्टन येथे काल रात्री मुंबई हून रवाना झाला.
हिमांशूने सपकाळ नॉलेज हब नाशिक येथून बी.ई केले असून त्याने बी.ई मेकॅनिकल मधे केलेल्या उत्कृष्ट कामगिरी दाखल त्याला लुशियाना टेक युनिव्हर्सिटी रश्टन यांचे तर्फे एमएसच्या प्रथम वर्षाकरीता चार लाख रूपये स्कॉलरशीप मंजूर करण्यात आली आहे. सदर अभ्यासक्रम 30 नोव्हेंबर 2020 ते 25 मे 2023 पर्यंत अडीच वर्षाचा असून लुशियाना युनिव्हर्सिटी तर्फे हिमांशूला पुर्ण स्कॉलरशीप प्राप्त होणार आहे. त्याने प्राप्त केलेल्या यशाचे राकेश बोरसे (काका) व खौशी ग्रामस्थांमधून कौतूक व्यक्त करण्यात येत आहे. सदर बाब ही ग्रामीण भागातील विद्यार्थ्यांना प्रेरणादायी असल्याची भावना राकेश बोरसे यांनी व्यक्त केली.
