जळगाव (प्रतिनिधी) कामाला जात असतांना रविंद्र वसंत काकुळदे (वय ३८, रा. दत्तनगर, मेहरुण) यांना भरधाव वाहनाने धडक दिली. ही घटना दि. २३ रोजी सकाळी साडेआठ वाजेच्या सुमारास मेहरुण भिलाटीजवळ घडली. याप्रकरणी एमआयडीसी पोलिसात गुन्हा दाखल करण्यात आला आहे.
शहरातील मेहरुण नगरातील दत्त नगरात राहणारे रविंद्र काकुळदे हे दि. २३ रोजी सकाळी साडेआठ वाजता कामाला जात होते. भिलाटीजवळून जात असतांना त्यांना (एमएच १९, सीवाय ४२७) क्रमांकाच्या वाहनाने धडक दिली. यामध्ये त्यांच्या हातापायाला गंभीर दुखापत झाली. त्यानंतर वाहन चालक हा तेथून पळून गेला होता. याप्रकरणी काकुळदे यांनी दि. २६ रोजी एमआयडीसी पोलिसात तक्रार दिली. त्यानुसार धडक देणाऱ्या वाहन चालकाविरुद्ध गुन्हा दाखल | करण्यात आला आहे. तपास पोना हेमंत जाधव हे करीत आहे.
