राशिभविष्य, गुरुवार ३० जून २०२२ : आषाढ शुक्ल प्रतिपदा. आज चंद्र कर्क राशीतून भ्रमण करेल. तिथून तो गुरुशी नव पंचम योग करेल. आज गुरू पुष्यामृत आहे. सुवर्णखरेदी आणि अनेक शुभकार्यासाठी हा मुहूर्त महत्त्वाचा मानला जातो.
मेष : राशीतील राहू-मंगळ जोडीदाराची चिंता वाढवेल. चंद्र आज चतुर्थ स्थानात आहे. शुभ घटना घडतील. दिवस आनंदात जाईल. शारीरिक ताण घेऊ नका. दिवस उत्तम.
वृषभ : आज तृतीय चंद्राचे भ्रमण शुभ फळ देईल. कुटुंबात महत्त्वाचे निर्णय होतील. आर्थिक लाभ होतील. व्यय राहू सावधगिरीचा इशारा देत आहे.
मिथुन : राशी स्वामी बुध वृषभ राशीत सूर्यासोबत आहे. सरकारी काम, लिखाण यात यश मिळेल. धन स्थानातील चंद्र आर्थिक लाभ घडवेल. शुभकार्य होतील. दिवस चांगला.
कर्क : आज राशी स्थानात चंद्र असून दैवी संकेत मिळतील.भाग्य स्थानात गुरू धार्मिक आस्था वाढवेलं. अष्टम शनी जपून रहा असं सुचवत आहे. खंबीर रहा. दिवस शुभ आहे.
सिंह: आज चंद्र भ्रमण व्यय स्थानात असून प्रकृती नाजूक राहिल. मन थोडं चिंतित राहिल. पण काळजी नको. गुरूची उपासना करत रहा.
कन्या: आज दिवस कार्यालयीन जीवनात काही विशेष घडेल असा आहे. दोघं मिळून खरेदी कराल.हाताने शुभ काम होईल.
तूळ : चंद्राचं भ्रमण दशम स्थानात आहे.खूप काम येईल असे संकेत आहेत. कुटुंबाशी मतभेद होऊ शकतात. आर्थिक व्यवहार होतील. मातृ सुख लाभेल.
वृश्चिक : जोडीदाराला काही लाभ होण्याची शक्यता आहे. मन आनंदी राहिल. आर्थिक लाभ होईल पण खर्च जपून करा.दिवस उत्तम आहे.
धनु : आज दिवस घरातल्या विशेष कामांसाठी खर्च होईल. काही जबाबदाऱ्या येतील तरी चांगला दिवस आहे. आर्थिकदृष्ट्या उत्तम दिवस. रागावर नियंत्रण ठेवणं गरजेचं वाटेल.
मकर : वक्री शनी तुम्हाला नैराश्याला समोर जायला लावेल. खर्चाचे, सामाजिक जबाबदारी घेण्याचे योग आणेल. सप्तम चंद्र अतिशय आनंदी वैवाहिक जीवन असेल.
कुंभ : आज आर्थिक घडामोडीचा दिवस आहे. अचानक होणारे लाभ प्रसन्न करतील. कायदा मोडू नका. अन्यथा कारवाईला समोर जावं लागेल.
मीन : राशीच्या पंचम स्थानातील चंद्र संतती करता जास्तीचे खर्च करावे लागतील. भटकंतीचे योग येतील. घरात पाहुणे येण्याची शक्यता आहे. प्रकृती नरम राहिल. दिवस उत्तम आहे.
