मेष : दिवसाची सुरुवात ऊर्जा आणि उत्साहानं होईल. व्यवसायात आज फायदा होईल. जाहिरात क्षेत्रात काम करणाऱ्या व्यक्तींनी आज सावध राहण्याची गरज आहे. मानसिक व्यग्रता जाणवेल. ध्यानधारणेचा मार्ग धरावा. भावनेच्या भरात कोणतेही काम करू नका. काही वेळेस शांत राहणेच फायद्याचे ठरेल हे लक्षात ठेवा. आवडीचे पदार्थ चाखाल.
वृषभ : आज तुमचे आर्थिक उत्पन्न वाढेल. ज्यामुळं तुम्ही आनंदी राहू शकाल. अनेक दिवसांपासून सुरु असलेल्या समस्यांपासून मुक्ती मिळू शकते. घरगुती कामाचा व्याप वाढेल. व्यावसायिक गणिते नीट अभ्यासावीत. अधिकार्यांची गाठ पडेल. योग्य व्यक्तीचा सल्ला घेता येईल. पत्नीची उत्तम साथ मिळेल.
मिथुन : आज आर्थिक अडचणींचा सामना करावा लागू शकतो. आज खर्च वाढण्याची शक्यता आहे. तुमच्या प्रयत्नांना यश मिळेल. छोट्या गोष्टी मनावर घेऊ नका.कामे मनाजोगी पार पडतील. मनातील सुप्त इच्छा पूर्ण करता येतील. गोड बोलण्यातून कामे साधता येतील. अधिकारी व्यक्तींचा मोलाचा सल्ला मिळेल. दिवस चांगल्या लोकांच्यात घालवाल.
कर्क : काही जणांशी मतभेद होण्याची शक्यता आहे. आज पगार वाढण्याची शक्यता आहे. कुटुंबासोबत वेळ घालवाल. पूर्वीपासून सुरू असलेल्या समस्या दूर होतील.आपली पत सांभाळण्याचा प्रयत्न करावा. कामात चंचलता आड आणू नये. वरिष्ठांचा शब्द मानावा लागेल. मनातील अनामिक भीती बाजूला. आत्मविश्वास कमी पडू देऊ नका.
सिंह : आज तुम्ही अशा लोकांसोबत काम कराल जे भविष्यात तुमच्यासाठी फलदायी ठरतील. तुमच्या मैत्रीपूर्ण वागण्याने तुम्ही लोकांची मने जिंकाल. सर्व गोष्टी मनाप्रमाणे घडतील असे नाही. मानसिक चांचल्य दूर सारावे. योग्य संधीची वाट पहावी. मुलांच्या तब्येतीकडे लक्ष द्यावे. पत्नीशी मतभेद संभवतात.
कन्या : गुंतवणुकीशी संबंधित विषयांवर आज चर्चा होऊ शकते. तुमचे सहकारी आज तुमच्या कामाची प्रशंसा करतील. दिवसाच्या शेवटी थकवा जाणवेल. भागीदारीतून चांगला लाभ होईल. काही नवीन गोष्टींचा अवलंब करावा. संपर्कातील लोकांकडून फायदा होईल. जोडीदाराची प्राप्ती वाढेल. पारंपरिक कामात लक्ष घालावे.
तूळ : शुक्र परिवर्तनामुळे तुमची काही कामे पुढे ढकलतील. तुमच्या दिनचर्येत व्यायामाचा समावेश करा. आरोग्याची काळजी घ्या. प्रवासात योग्य खबरदारी घ्यावी. जोडीदाराचे मत मान्य करावे लागेल. घरगुती प्रश्न चर्चेने सोडवावे. वाहन विषयक कामे निघतील. आरोग्यात सुधारणा होईल.
वृश्चिक : आज नेहमीपेक्षा जास्त उत्पन्न मिळवण्याची संधी मिळेल. पूर्वीची कामे आज पूर्ण कराल. तुम्ही तुमच्या करिअरबद्दल चिंतित असाल. लवकरच तुमच्या आयुष्यात अशी व्यक्ती येऊ शकते जी तुमच्यासाठी फायदेशीर ठरेल. कामाचा विस्तार वाढवावा. जवळच्या प्रवासात आरोग्याची काळजी घ्यावी. कौटुंबिक कार्यक्रमात सहभागी व्हाल. मित्रांशी मनमोकळ्या गप्पा माराल. दिवस खेळीमेळीत जाईल.
धनू : व्यवसायातील जास्त कामामुळं ताण येऊ शकतो. नोकरदार लोकांना आज चांगली कामगिरी करण्याची संधी मिळेल. व्यवसाय असो किंवा प्रेमसंबंध असो धीराने काम करा. प्रवासात सावध राहावे. नातेवाईकांचा विरोध होऊ शकतो. कौटुंबिक कलह टाळावा. गरज नसताना पैसे खर्च करू नका. स्वत:मध्ये काही बदल करून पहावेत.
मकर : आज जो काही निर्णय घ्याल तो यशस्वी होईल. व्यावसायिक व्यवहार अधिक प्रभावीपणे कराल. आज लग्नासाठी बोलणी करण्यासाठी योग्य वेळ आहे. पोटाचे विकार संभवतात. खाण्या-पिण्याकडे विशेष लक्ष द्यावे. हातात नवीन अधिकार येतील. कामानिमित्त प्रवास करावा लागेल. उगाचच चिडचिड करू नये.
कुंभ : आज आत्मविश्वासानं आणि समजूतदारपणानं घरामध्ये निर्णय घेतील. आज काही मोठे काम तुमच्या हातात येऊ शकते. तुमची रखडलेली कामं आज पूर्ण होतील. जास्त खोलात जाऊन चौकशी कराल. आपले मत योग्य ठिकाणीच मांडावे. काही गोष्टीत धूर्तपणे वागावे लागेल. योग्य तर्काचा आधार घ्यावा. वाणीत गोडवा ठेवावा.
मीन : तुमच्या कामाचे कौतुक होईल. जर तुमचा विवाह करायचा असेल तर त्याबद्दल बोलण्यासाठी आजचा दिवस चांगला आहे. आज तब्येत ठीक राहील. चंचलतेवर मात करावी. मुलांचा हट्ट पुरवाल. वेळेचे योग्य नियोजन करावे. थोडा त्रास झाला तरी कमाई वाढेल. भावनेला आवर घालावी लागेल. (Today Rashi Bhavishya, 4 March 2023)
