चोपडा (प्रतिनिधी) धानोरा गावाकडून चोपड्याकडे भरधाव वेगाने येणाऱ्या हुंदाई कंपनीच्या चारचाकी व चोपड्याकडून धानोऱ्याकडे जाणाऱ्या दुचाकीमध्ये भीषण अपघात झाला. यात तालुक्यातील पारगाव येथील नितीन पाटील व चेतन पाटील या दोघा दुचाकीस्वारांचा मृत्यू झाल्याची घटना ७ रोजी दुपारी ४.३० वाजता घडली. या दुर्दैवी घटनेमुळे तालुक्यात शोककळा पसरली आहे.
तालुक्यातील पारगाव येथील रहिवासी नितीन रमेश पाटील (वय ३८) व चेतन निंबा पाटील (वय २५) हे चोपड्याहुन पारगाव येथे घरी जात होते. दुपारी साडेचार वाजता धानोऱ्याकडून चोपड्याकडे भरधाव वेगात येणारी हुंदाई कंपनीच्या क्रेटा गाडी (एमएच ०४, जेएम- ३३८८) ने या तरुणांच्या दुचाकी (एमएच १९, एएम दिली. यात रतन उर्फ नितीन रमेश पाटील व ५४८) ला जबर धडक चेतन निंबा पाटील दोघांना चारचाकीने अक्षरशः समोरून चिरडून काढले. या अपघातात गंभीर जखमी झालेल्या दोघांना उपाचारासाठी चोपडा उपजिल्हा रुग्णालयात दाखल करण्यात आले. परंतु, त्यांना तत्काळ पुढील उपचारासाठी जळगाव येथे रवाना करण्यात आले. परंतु, दोघांचा उपचारदरम्यान दुर्दैवी मृत्यू झाला. याप्रकरणी चोपडा शहर पोलीस ठाण्यात क्रेटा गाडी चालकाविरुद्ध रात्री उशिरापर्यंत गुन्हा दाखल करण्याचे काम सुरू होते. या अपघातातील मयत नितीन पाटील हा विवाहित तर चेतन हा अविवाहित आहे. या घटनेने पारगाव गावासह परिसरात मोठी शोककळा पसरली होती.
दुचाकीवरील दोघांना १०० मिटरपर्यंत फरफटत नेले हा अपघात एवढा भीषण होता कि, यात दुचाकीवरील दोघांना चारचाकी गाडीने १०० मिटरपर्यंत फरफटत नेल्याचे प्रत्यक्षदर्शीनी सांगितले. यात दुचाकीचा अक्षरशः चुराडा झाला आहे. तर या दुचाकीवरील दोघांकडे निवडणुकीचे प्रचार साहित्य देखील असल्याचे पोलिसांनी सांगितले
