बोदवड (प्रतिनिधी) येथील कला, वाणिज्य व विज्ञान महाविद्यालय बोदवड , महिला लैंगिक छळ समितीच्या उद्घाटन प्रसंगी “महिला सुरक्षा व कायदे” या विषयावर बोलतांना ॲड. अर्चना किरोते यांनी महिलांनी कायद्याचे ज्ञान अन्यायाविरुद्ध लढण्यासाठी व संरक्षणासाठी ठेवावे असे सांगितले.
महिलांच्या विविध कायद्यांबद्दल माहिती देतांना त्यांनी त्याचा उपयोग कसा व केव्हा करायचा याबद्दल सविस्तर प्रतिपादन केले. कार्यक्रमाचे अध्यक्ष प्राचार्य अरविंद चौधरी यांनी अध्यक्षीय समारोप करताना कायद्याचे ज्ञान नसल्यामुळे तसेच अत्याचार झाल्यावर वाच्यता न करता सहन करण्याच्या मानसिकतेमुळे बहुतेक जण अत्याचाराला बळी पडतात असे सांगीतले. कार्यक्रमाच्या प्रास्ताविकात महिला लैंगिक छळ समिती प्रमुख डॉ. गीता पाटील यांनी कार्यक्रमाचे उद्दिष्ट सांगताना महिलांसाठी निकोप वातावरण व मानसिकता महत्त्वाची असल्याचे सांगीतले. कार्यक्रमाचे सूत्रसंचालन सौ. वैशाली संसारे यांनी व आभार कंचन दमाडे यांनी मानले. यावेळी प्रमुख उपस्थितीत ॲड. दिपाली सुरवाडे, महाविद्यालयाचे उपप्राचार्य डॉ. व्ही.पी. चौधरी,डॉ. रत्ना जवरास,डॉ. मनोज निकाळजे, हेमलता कोटेचा,डॉ. वंदना नंदवे, डॉ. रुपाली तायडे, डॉ. रुपेश मोरे, सौ. किनगे, रुपाली चौधरी, डॉ. अमर वाघमोडे, श्री.धनगर, अजित पाटील हे उपस्थित होते. सदर कार्यक्रमास संस्थेचे चेअरमन मिठूलाल अग्रवाल, उपाध्यक्ष अजय जैन, सचिव विकास कोटेचा यांनी शुभेच्छा दिल्या. कार्यक्रमाच्या यशस्वीतेसाठी समिती सदस्य तसेच नामदेव बडगुजर, विजू धोबी, अतुल पाटील आदीचे योगदान लाभले.
