अमळनेर प्रतिनिधी । तालुक्यातील धुपी गावात सुरू असलेले भांडणाबाबत विचारण्यासाठी गेलेल्या एकाला लोखंडी सळईने बेदम मारहाण करून गंभीर दुखापत केल्याची घटना १४ ऑगस्ट रोजी रात्री १९ वाजता घडली होती. याप्रकरणी मंगळवारी २० ऑगस्ट रोजी दुपारी १ वाजता अमळनेर पोलीस ठाण्यात दोन जणांविरोधात गुन्हा दाखल करण्यात आला.
याबाबत अधिक माहिती अशी की, संजय राजाराम भिल वय ४५ रा. धुपी ता.अमळनेर हा तरूण आपल्या परिवारासह वास्तव्याला आहे. १४ ऑगस्ट रोजी त्यांच्या शेजारी राहणारे निंबा मोरचंद भिल व युवराज मोरचंद भील यांचे सायंकाळी झालेल्या भांडणाबाबत रात्री १० वाजता संजय भील हे विचारपूस करण्यासाठी गेले असता त्याचा त्यांना राग असल्याने निंबा भिल व युवराज भील यांनी घरातील लोखंडी सळई काढून डोक्यात टाकून गंभीर दुखापत केली. जखमी अवस्थेत संजय भील याला अमळनेर ग्रामीण रूग्णालयात उपचारार्थ दाखल करण्यात आले. दरम्यान, याप्रकरणी संजय भिल यांनी मंगळवारी २० ऑगस्ट रोजी दुपारी १ वाजता अमळनेर पोलीस ठाण्यात धाव घेवून तक्रार दिली. त्यानुसार मारहाण करणारे निंबा मोरचंद भील आणि युवरात मोरचंद भील या दोघांवर अमळनेर पोलीसात गुन्हा दाखल करण्यात आला आहे. पुढील तपास पोहेकॉ सुनिल जाधव हे करीत आहे.
