मुक्ताईनगर (प्रतिनिधी) वाढदिवस म्हणजे प्रत्येकासाठी एक खास दिवस असतो. कुटुंबीय, मित्र-मंडळी सगळ्यांकडून प्रेम, शुभेच्छा आणि आशीर्वाद मिळण्याचा दिवस म्हणजे वाढदिवस. मात्र या आनंदाच्या दिवशीच शहरातील जिजाऊ नगरमध्ये राहणाऱ्या वैष्णवी चेतन सनान्से या बालिकेचा कुलरचा शॉक लागून मृत्यू झाल्याची दुर्दैवी घटना शुक्रवारी घडली.
मुक्ताईनगर शहरातील प्रभाग क्रं.१२ मधील जिजाऊ नगरमध्ये चेतन सनान्से आपल्या परिवारासह वास्तव्यास आहेत. शुक्रवारी १९ मे २०२३ रोजी वैष्णवीचा ९ वाढदिवस असल्यामुळे परिवारात आनंदाचे वातावरण होते. सर्वजण वाढदिवस साजरा करण्याचे नियोजन करीत असतानाच काळाने घात केला. परंतू सायं ६:३० वाजेच्या सुमारास वैष्णवीला कुलरचा जबरजस्त शॉक बसला. यात तीचा जागीच मृत्यू झाला. ऐन वाढदिवसाच्या दिवशीच वैष्णवीचा मृत्यू झाल्याने कुटुंबीयांवर दु:खाचा डोंगर कोसळला आहे. या घटनेमुळे आई-वडिलांना तर जबर धक्का बसलाय. दोघांचा मन हेलावणारा आक्रोश बघून अनेकांचे डोळे पाणावले होते. वैष्णवी ओम साई सेवा फाऊंडेशनचे अध्यक्ष सुभाष सनान्से यांची पुतणी तर चेतन महाराज (अंत्यविधी,भजनी मंडळ) यांची कन्या होती.
