चाळीसगाव (प्रतिनिधी) तालुक्यातील सेवानगर येथे आमदार मंगेशदादा चव्हाण यांनी दिलेल्या निधीतून साकारण्यात आलेल्या विविध विकासकामांचा लोकार्पण व भूमिपूजन सोहळा तसेच लाडकी बहिण योजना अर्ज वाटप व १ ते ५ वी च्या विद्यार्थ्यांना मोफत दप्तर वाटप कार्यक्रम आज आयोजित करण्यात आला होता. यावेळी ग्रामस्थांनी मोठ्या संख्येने उपस्थिती देत आमदार मंगेशदादा चव्हाण यांचे स्वागत केले.
मंगेशदादा चव्हाण यांच्या हस्ते आज सेवानगर येथे संत सेवालाल भवन (१५ लक्ष), मुख्य रस्त्यालगत पथदिवे (५ लक्ष) पाणीपुरवठा योजना (७२ लक्ष) आदी कामांचे लोकार्पण तसेच ग्रामपंचायत कार्यालय (२० लक्ष) भूमिपूजन करण्यात आले. यावेळी मंगेशदादांनी गावातील स्मशानभूमीसाठी देखील निधी देण्याचे यावेळी जाहीर केले. महायुती सरकारच्या महत्वाकांक्षी मुख्यमंत्री माझी लाडकी बहिण योजनेच्या अर्जांचे वाटप व योजनेची माहिती देण्यात आली. तसेच सेवानगर जिल्हा परिषद शाळेतील १ ली ते ५ वी च्या १९७ विद्यार्थ्यांना दप्तर वाटप करण्यात आले. दप्तर वाटप करतेवेळी विद्यार्थ्यांच्या चेहऱ्यावर आनंद ओसंडून वाहत होता.
यावेळी जेष्ठ नेते सुरेश तात्या सोनवणे, संभाजीराजे पाटील, सेवानगर सरपंच जव्हारलाल महाराज, उपखेड सरपंच छोटूभाऊ मगर, पिलखोड सरपंच भीमराव यशोद, मार्केट संचालक हेमराज बाविस्कर, माजी सरपंच महेशदादा मगर, भाजपा सरचिटणीस अमोल चव्हाण, इफको संचालक रोहन सूर्यवंशी, खरजई सरपंच डॉ.प्रशांत एरंडे, सेवानगर उपसरपंच प्रकाश चव्हाण, बळीराम भाऊ, दिनेश महाजन, हर्षल पाटील, उमा दादा, भैय्या पाटील, विकासो चेअरमन भिकाभाऊ राठोड, बुगा अण्णा, चेतन पाटील, सुनील राठोड ज्ञानेश्वर राठोड, ज्ञानेश्वर चव्हाण, वाल्मिक पवार, एकनाथदादा पोलीस, संजय राठोड, बन्सी महाराज, विजय चव्हाण, सुभाष महाराज, आजी माजी ग्रा.पं.सदस्य, विकासो आजी माजी संचालक, जि.प.शाळेचे मुख्याध्यापक, शिक्षक वर्ग यांच्यासह गावातील माता भगिनी, विद्यार्थी वर्ग मोठ्या संख्येने उपस्थित होते.
