जळगाव (प्रतिनिधी) रिक्षामध्ये बसलेल्या सहा वर्षीय बालिकेसोबत अश्लील वर्तन करीत तिचा विनयभंग करण्यासह तिच्या नऊ वर्षीय बहिणीलाही मारहाण केल्याचा धक्कादायक प्रकार समोर आला आहे. ही घटना रविवार दि. २३ मार्च रोजी रात्री शनिपेठ पोलिस ठाण्याच्या हद्दीत एका भागात घडली. या प्रकरणी मनोज भिमराव धनगर (वय ३५, रा. जोशीपेठ) याच्याविरुद्ध गुन्हा दाखल करण्यात आला आहे.
शनिपेठ पोलिस ठाण्याच्या हद्दीतील रहिवासी असलेल्या दोन बालिका रिक्षामध्ये बसलेल्या होत्या. त्या वेळी मनोज याने सहा वर्षीय बालिकेसोबत अश्लील वर्तन केले. तसेच तिच्यापेक्षा मोठी बहीण नऊ वर्षीय बालिकेच्या गालावर चापट मारत मारहाण केली. हा प्रकार लक्षात येताच मुलींच्या वडिलांनी शनिपेठ पोलिस ठाण्यात फिर्याद दिली. त्यावरून मनोज धनगर याच्याविरुद्ध पोस्को कलमान्वये विनयभंगाचा गुन्हा दाखल करण्यात आला आहे. पुढील तपास पोउनि प्रिया दातीर करीत आहेत.
