गुजरात (वृत्तसंस्था) कोरोनाचा नवा व्हेरिएंट ओमिक्रॉनने कर्नाटक पाठोपाठ आता गुजरातमध्येही शिरकाव केला आहे. परदेशातून परतलेल्या ७२ वर्षीय वृद्धाला ओमायक्रॉन व्हेरियंटची लागण झाली आहे. त्यामुळे आता देशात देशात ओमायक्रॉनचे तीन रुग्ण झाले आहेत. दोन कर्नाटकमध्ये आणि एक गुजरातमध्ये आहे.
तीन दिवसांपूर्वी परदेशातून गुजरातमध्ये आलेल्या ११ लोकांना आरटीपीआरनंतर क्वारंटाईन करण्यात आले होते. त्यापैकी एका ७२ वर्षीय वृद्धाची टेस्ट पॉझिटिव्ह आल्याने त्याचे स्वॅब ओमिक्रॉनच्या तपासणीसाठी पुण्याच्या लॅबमध्ये पाठवण्यात आले होते. ७२ तासानंतर या व्यक्तीचा अहवाल आल्यानंतर त्याला ओमिक्रॉनची लागण झाल्याचे स्पष्ट झाले आहे.
गुजरातमध्ये सध्या व्हायब्रंट गुजरात कार्यक्रम सुरू आहे. यासाठी परदेशातून अनेक लोक येत आहेत. तसेच गुजरातमध्ये दिवाळीत ५०० लोकांची ट्रॅव्हल हिस्ट्री राहिली आहे. सोमवार-मंगळवारी चार जिल्ह्यात विदेशातून २२० प्रवासी आले आहेत. तर गुरुवारी दुपारी एकाच दिवसात १४ हायरिस्क देशातून आणखी २ हजार २३५ लोक गुजरातला आले होते. त्यातील २ हजार २२८ प्रवासी अहमदाबाद आणि सूरत एअरपोर्टचे होते. दरम्यान गुजरातमध्ये ओमिक्रॉनचा पहिला रुग्ण आढळल्याने राज्याच्या आरोग्य विभागात खळबळ माजली आहे.
