पिंपरी (वृत्तसंस्था) विवाहित महिलेचा सासरी छळ करण्याच्या अनेक घटना वारंवार घडताना आपण पाहतो. परंतू पिंपरी परिसरातून एक धक्कादायक घटना समोर आली आहे. सासऱ्याने घरामध्ये जबरदस्तीने १५० उठाबशा काढायला लावल्या. या छळात पतीने देखील साथ दिली. या प्रकरणी पिडीत महिलेने पती, सासऱ्यासह सासरच्या मंडळीविरुद्ध देहूरोड पोलिसात गुन्हा दाखल केला आहे.
छोट्या-छोट्या गोष्टींवरून लग्न झाल्यापासून विवाहितेला बेल्टने मारहाण करण्यात आली. तसेच सासऱ्याने घरामध्ये जबरदस्तीने १५० उठाबशा काढायला लावल्या. या छळात पतीने देखील साथ दिली. ही घटना २६ डिसेंबर २०२१ ते मंगळवार (दि.९) या कालावधीत आदर्शनगर येथे घडली. पिडीत विवाहितेला लग्न झाल्यापासून आरोपींनी वाद घालून तिला लाथाबुक्क्या तसेच कमरेच्या बेल्टने मारले. नऊ मे रोजी रात्री पती आणि पत्नीमध्ये वाद झाल्यानंतर, पतीने पत्नीचा गळा दाबून तिला जीवे ठार मारण्याचा प्रयत्न केला तसेच पत्नीला शारीरिक व मानसिक त्रास दिला. त्याचप्रमाणे सासऱ्याने सुनेला घरामध्ये जबरदस्तीने 150 उठा बशा काढायला लावल्या, असे फिर्यादीत नमूद आहे. या प्रकरणी पोलीस ठाण्यात गुन्हा दाखल झाला आहे.
