अमळनेर (प्रतिनिधी) धकाधकीच्या जीवनात आपण आपली जीवनशैलीत संपूर्ण बदल केला आहे. त्यातच मागील वर्षापासून एक कोरोना नावाची महामारी आली होती आणि त्यामुळे का होईना आपण आपल्या आरोग्याकडे लक्ष द्यायला लागलो. ‘निरोगी आरोग्य हीच संपत्ती’ हे आपल्याला कळले नाही तर धकाधकीच्या जीवनात सतत काम आणि पैसा याच्या पाठीमागे लागलेला होतो. शासनाच्या आदेशानुसार संपूर्ण देशात योग दिवस साजरा केला जात आहे. त्याचे औचित्य साधून देवगांव देवळी येथील महात्मा ज्योतिराव फुले हायस्कूलमध्ये योग दिवस उत्साहपूर्ण वातावरणात साजरा करण्यात आला..
शाळेचे मुख्याध्यापक अनिल महाजन यांनी योग दिवसाचे महत्व विद्यार्थ्यांना सांगितले. शाळेचे स्काउट शिक्षक तथा योग प्रशिक्षक एच.ओ.माळी यांनी विद्यार्थ्यांना वर्जासन हलासन, शवासन कपालभारती अनुलोम-विलोम सह योगाचे सर्व प्रकार करून दाखवले. शाळेत शिक्षकांसह विद्यार्थ्यांनी योगासने केले. यावेळी शाळेचे शिक्षक ईश्वर महाजन, सुरेश महाजन, एच. ओ. माळी, अरविंद सोनटक्के व शिक्षकेतर कर्मचारी उपस्थित होते.
