जळगाव (प्रतिनिधी) वडनगरी (ता. जळगाव) येथील शेतकरी देविदास चिंतामण मोरे (वय-३५) यांच्या लहान भावाचा एका सोबत वाद सुरु होता. हा वाद सोडवीत असतांना एकाने त्यांच्या डोक्यात लोखंडी रॉड मारुन जखमी केल्या प्रकरणी तालूका पोलिस ठाण्यात गुन्ह्याची नोंद करण्यात आली आहे.
पोलिस ठाण्यात दाखल तक्रारीत नमुद केल्या प्रमाणे, वडनगरी येथील शेतकरी देविदास मोरे यांच्या घरा समोरच त्यांच्या लहान भावा सोबत एकाचा वाद सुरु होता. गिरणा नदित मासे का..पकडतो यावरून हमरीतुमरी सुरु असल्याने देविदास मोरे यांनी वाद सोडवण्यासाठी मध्यस्थी केली. वाद सोडवत असतांना काशिनाथ गिरधर पवार (रा. फुफनगरी) याने लोखंडी सळई देविदास यांच्या डोक्यात मारुन जखमी केले. जखमीच्या जबाबावरुन तालूका पोलिस ठाण्यात गुन्ह्याची नोंद करण्यात आली. पुढील तपास विजय दुसाने करीत आहेत.
