जळगाव (प्रतिनिधी) आज माघारीच्या अंतिम दिवसानंतर जळगाव जिहा दुध संघ निवडणुकीत रिंगणात उरलेले अंतिम उमेदवारांची यादी स्पष्ट झाली आहे. यामुळे आज हायव्होल्टेज राजकीय लढती स्पष्ट झाल्या आहेत. या निवडणुकीत अनेकांचे राजकीय भवितव्य दाववर लागले आहे.
जाणून घ्या… तालुका निहाय अंतिम उमेदवारांची यादी
जिल्हा दुध संघात दुध उत्पादक शेतकरी प्रतिनिधींचा जरी ठराव झाले असले तरी २० जागांवर लोकप्रतिनिधींनी उमेदवारी दाखल केल्याने जिल्हा बॅँक प्रमाणे दुध संघात देखील खरा दुध उत्पादक प्रतिनिधी निवडणुकीच्या रिंगणबाहेरचं राहिल्याचे चित्र आहे. अनु. जाती जमाती मतदार संघात आमदार संजय सावकारे यांच्या विरुध्द श्रावण सदा ब्रम्हे यांची उमेदवारी आहे. इमाव मतदार संघात राष्टवादी कॉँग्रेस पक्षातर्फे पराग वसंतराव मोरे तर भाजपा प्रणित पॅनलतर्फे गोपाळ रामकृष्ण भंगाळे यांच्यात सरळ लढत होणार आहे. महिला राखीव मतदारसंघात छाया गुलाबराव देवकर, सुनिता राजेंद्र पाटील, मनिषा अनंतराव सुर्यवंशी, उषाबाई विश्वासराव पाटील, पुनम प्रशांत पाटील या पाच उमेदवार रिंगणात असून भाजपातर्फे पुनम पाटील किंवा सुनिता पाटील यांच्यापैकी एक उमेदवार निश्चीत होणार आहे. तर राष्ट्रवादी कॉँग्रेसतर्फे छायाताई गुलाबराव देवकर यांची उमेदवारी कायम राहणार आहे. विमुक्त जमाती मतदारसंघात राष्टवादी कॉँग्रेसतर्फे विजय रामदास पाटील व भाजपातर्फे अरविंद भगवान देशमुख यांच्यात लढत होईल.
अमळनेर तालुका मतदारसंघात राष्टवादी कॉँग्रेसतर्फे आ. अनिल भाईदास पाटील तर भाजपातर्फे माजी आमदार स्मिता उदय वाघ यांच्यात लढत होईल. एरंडोल मतदारसंघात भागचंद मोतीलाल जैन विरुध्द दगडू चौधरी, चाळीसगाव मतदार संघात प्रमोद पाटील विरुध्द सुभाष नानाभाऊ पाटील, चोपडा मतदारसंघ इंदिराताई भानुदास पाटील विरुध्द रोहित दिलीप निकम, धरणगाव तालुका मतदारसंघात संजय पवार विरुध्द वाल्मिक पाटील, बोदवड तालुका मतदार संघात ॲड रविंंद्र पाटील विरुध्द मधुकर राणे, भडगाव तालुका मतदारसंघात रावसाहेब भोसले विरुध्द डॉ संजीव पाटील, भुसावळ तालुका मतदारसंघात शामल झांबरे विरुध्द शालीनी ढाके, यावल तालुका मतदारसंघात हेमराज चौधरी विरुध्द नितीन चौधरी तर रावेर तालुका मतदारसंघात जगदीश बढे विरुध्द ठकसेन भास्कर पाटील यांची उमेदवारी आहे.
जाणून घ्या… कोणत्या होणार हायव्होल्टेज लढती !
पारोळा तालुका मतदारसंघात आमदार चिमणराव पाटील यांच्याविरुध्द माजी मंत्री डॉ सतिष पाटील यांच्यात लढत होणार असून ही लढत पारंपारिक असून दोघं नेत्यांसाठी प्रतिष्ठेची निवडणूक असणार आहे. तर दुसरीकडे पालकमंत्री गुलाबराव पाटील यांच्या विरुध्द माजी उपमहापौर सुनिल महाजन यांच्या आई मालतीबाई सुपडू महाजन यांची उमेदवारी कायम आहे. सहकाराच्या राजकारणात पालकमंत्री गुलाबराव पाटील यांनी पहिल्यांदा नशीब आजमावत आहेत. त्यामुळे ही लढत देखील लक्षवेधी ठरणार आहे. जामनेर तालुका मतदारसंघात ग्रामविकास मंत्री गिरीश महाजन यांच्याविरुध्द दिनेश रघुनाथ पाटील यांची उमेदवारी असल्याने ना. महाजन यांच्यासाठी ही प्रतिष्ठेची असणार आहे. यात सगळ्यात मोठी आणि हायव्होल्टेज लढत ही मुक्ताईनगर मतदार संघात मंदाताई एकनाथराव खडसे आणि आणि मंगेश रमेश चव्हाण यांच्यात लढत होणार आहे.
