पाचोरा (प्रतिनिधी) तालुक्यातील सावखेडा बुद्रुक येथील जवान मंगलसिंग जयसिंग परदेशी (वय ३६) हे सेवा बजावत असतांना पठाणकोट येथे काल रात्री झालेल्या नक्षलवादी हल्यात शहीद झाले. दि. १६ नोव्हेंबर, २०२१ रोजी त्यांच्या पार्थिवावर शासकीय इतमामात अंत्यसंस्कार करण्यात येणार आहे.
तालुक्यातील सावखेडाचे सुपुत्र, 734 TPT WKSP मध्ये कार्यरत जवान नायक मंगलसिंग जयसिंग परदेशी यांचे आज पहाटे १.४० वाजता पठाणकोट येथे बंदुकीची गोळी लागल्यामुळे निधन झाले. त्यांचे पार्थिव सोमवार, दि. १५ नोव्हेंबर रोजी पठाणकोट येथून विमानाने दुपारी ४.०० वाजता मुंबई येथे येईल. तेथुन ॲम्बुलसने त्यांचे मुळगाव सावखेडा, तालुका पाचोरा येथे मंगळवार, १६ नोव्हेंबर, २०२१ रोजी सकाळी ६ वाजेदरम्यान पोहचेल. त्यानंतर त्यांचेवर सकाळी ९:३० वाजता शासकीय इतमामात अंत्यसंस्कार करण्यात येईल. अशी माहिती जळगाव जिल्हा सैनिक कल्याण कार्यालयाचे वेल्फेअर अधिकारी अनुरथ वाकडे यांनी दूरध्वनीवरून दिली आहे.
