मुंबई (वृत्तसंस्था) राष्ट्रवादी काँग्रेसचे नेते एकनाथराव खडसे यांचे जावई गिरीश चौधरी यांचा जामीन अर्ज मुंबई सेशन कोर्टातील विशेष पीएमएलए कोर्टाने फेटाळला आहे. चौधरी यांना ७ जुलै रोजी ईडीने अटक केली आहे. तेव्हा पासून ते कोठडीत आहेत.
गिरीश चौधरी हे राष्ट्रवादी काँग्रेसचे नेते एकनाथ खडसे यांचे जावई आहेत. गिरीश चौधरी यांना ७ जुलै रोजी ईडीने अटक केली आहे. तेव्हा पासून ते कोठडीत आहेत. काही दिवसांपूर्वी त्यांनी जामीनासाठी अर्ज केला होता. त्यावर सुनावणी पूर्ण होऊन कोर्टाने आज निकाल दिला आहे. आपला या गुन्ह्याशी काही संबंध नाही. या प्रकरणात सरकारचं काही नुकसान झालेल नाही, असे मुद्दे त्यांनी मांडले होते.
पुण्यातील भोसरी जमीन घोटाळा प्रकरणी खडसेंचे जावई गिरीश चौधरी यांना सक्तवसुली संचलनालयाकडून (ईडी) चौकशीसाठी बोलावण्यात आलं होतं. आणि त्याच रात्री उशिरापर्यंत त्यांची चौकशी केल्यानंतर त्यांना अटक करण्यात आली होती. त्यांनंतर त्यांना न्यायालयानं आधी त्यांना १५ जुलैपर्यंत ईडी कोठडी सुनावली होती. त्यानंतर गुरुवारी त्यांच्या कोठडीत १९ जुलैपर्यंत वाढ करण्यात आली. त्यानंतर सोमवारी कोठडी संपत असल्यानं गिरीश चौधरी यांना मुंबई सत्र न्यायालयातील विशेष पीएमएलए न्यायालयात पुन्हा हजर करण्यात आलं. तेव्हा, या प्रकरणातील गैरव्यवहाराशी चौधरी यांचा थेट संबंध असल्याचं म्हटलं गेलं होतं.
