मुंबई (वृत्तसंस्था) राष्ट्रवादी कॉंग्रेसमध्ये फूट पडली आहे. हा संपूर्ण निर्णय अजित पवारांचा आहे. त्यामुळे राष्ट्रवादीत थेट फूट पडलीये, अशी सूचक प्रतिक्रिया खासदार सुप्रिया सुळेंनी दिली आहे.
राज्यातील राजकीय घडमोडींना वेग आला आहे. महाराष्ट्रातील राजकारण पुन्हा राजकीय भूकंप झाला आहे. राष्ट्रवादीचे अजित पवार यांच्यासह काही आमदार शिंदे-फडणवीस सरकारला पाठिंबा देत आहेत. तसचे अजित पवार आणि छगन भुजबळ हे देखील शपथ घेण्याची शक्यता आहे, अशीही माहिती सूत्रांकडून मिळाली आहे.
सध्या प्रफुल्ल पटेल, छनग भुजबळ आणि धनंजय मुंडे हे राजभवनात असल्याची माहिती आहे. राजभवनात शपथविधीची तयारी सुरु आहे. दिलीप वळसे पाटील हे राष्ट्रवादी काँग्रेसचे सर्वेसर्वा शरद पवार यांचे निकटवर्तीय समजले जातात. त्यांना मंत्रीपद दिलं. पण ते सुद्धा अजित पवारांसोबत आहेत. महाविकास आघाडीचे सरकार पडल्यानंतर नरहरी झिरवळ चर्चेत होते. ते सुद्धा अजित पवारांसोबत आहेत.
अजित पवार यांच्यासोबत शपथ घेणाऱ्या राष्ट्रवादीच्या 9 आमदारांची संभाव्य यादी
अजित पवार,छगन भुजबळ,दिलीप वळसे पाटील,धनंजय मुंडे,हसन मुश्रीफ,अनिल भाईदास पाटील,आदिती तटकरे,संजय बनसोडे,बाबूराव अत्राम
