जळगाव (प्रतिनिधी) जामनेर तालुक्यातील अट्टल मोटार सायकल चोरी करणाऱ्या दोन्ही आरोपींना आज स्थानिक गुन्हे शाखेच्या पथकाने जेरबंद केले असून चोरीची मोटार सायकल हस्तगत करण्यात आली आहे.
पोलीस अधिक्षक डॉ. प्रविण मुंडे, अपर पोलीस अधिक्षक चंद्रकांत गवळी यांनी जळगाव जिल्हात चोरी होणारे मोटार सायकलचे गुन्हे उघडकीस आणणेकामी स्थानिक गुन्हे शाखेचे पोलीस निरीक्षक यांना सुचना दिलेल्या होत्या. त्याअनुषंगाने पोलीस निरीक्षक किरण कुमार बकाले यांनी स्थानिक गुन्हे शाखे कडील स. फो. राजेंद्र पाटील, स. फौ अशोक महाजन, पो. हवा अनिल इंगळे, अनिल देशमुख, कमलाकर बागुल, रमेश चौधरी, प्रदिप पाटील, जयंत चौधरी, पो.ना. दिपक चौधरी यांचे पथक रवाना केलेले होते.
पोलीस निरीक्षक किरण कुमार बकाले याना गोपनिय माहीती मिळाली की, जामनेर पोलीस स्टेशन या गुन्ह्यातील चोरी झालेली मोटार सायकल हिरो HF डिलक्स काळ्या रंगाची त्यावर लाल पट्टा असलेली ही सनी अशोक बाविस्कर (वय २१), अनिकेत कडुवा चौथे (वय २१) दोघे रा. पहुर कजवे, ता. जामनेर, यांनी चोरी केल्याची माहीती मिळाल्याने वरील पथक शोध घेणे कामी रवाना केले. व सदर भागात शोध घेतला असता सदर आरोपी मिळुन आल्याने त्यास गुन्ह्याचे तपासकामी ताब्यात घेवुन त्याना वर दाखल गुन्ह्यातील मोटार सायकलबाबत विचारपुस केली असता त्यानी चोरी केलेली मोटार सायकल ही काढुन दिल्याने ती मोटार सायकल व आरोपींना ताब्यात घेवुन मोटार सायकल जप्त करण्यात आली. व आरोपींची वैद्यकीय तपासणी करुन याप्रकरणी पुढील तपासकामी जामनेर पोलीस स्टेशनच्या ताब्यात देण्यात आले आहे.
