धरणगाव प्रतिनिधी : येथील श्री भोलेसरकार राजराजेश्वर श्री सार्जेश्वर महादेव मंदिर भक्त परिवाराच्या वतीने महाशिवरात्री निमित्त सालाबादप्रमाणे यावर्षी देखील भव्य शिवमहोत्सवाचे आयोजन करण्यात आले आहे.
याबाबत सविस्तर वृत्त असे की, येत्या 15 फेब्रुवारी 2026 वार रविवार रोजी महाशिवरात्रीच्या पावन पर्वानिमित्त भव्यदिव्य मिरवणुकीचे आयोजन करण्यात आलेले आहे. महाशिवरात्रीच्या मिरवणुकीत 20 ते 21 झाक्या (देखाव्यांची आरास) समाविष्ठ असेल यामध्ये भुतों की बारात, कालीमाता, बाबा बर्फानी, महाकाल इ. चा समावेश असेल. रामदेवजी बाबा नगर येथून सुरु झालेली मिरवणूक दरवर्षीप्रमाणे नियोजित मार्गाने निघणार असून यामध्ये गावातील व परिसरातील जास्तीत जास्त शिवभक्तांनी सहभागी व्हावे व कार्यक्रमाची शोभा वाढवावी असे आवाहन, श्री भोलेसरकार राजराजेश्वर श्री सार्जेश्वर महादेव मंदिर भक्त परिवाराच्या वतीने करण्यात आलेले आहे.
