चोपडा (प्रतिनीधी) तालुक्यातील लासूर किसान शिक्षण प्रसारक मंडळ संचलित महात्मा गांधी माध्यमिक व उच्च माध्यमिक विद्यालयाचे पंचवार्षिक निवडणूकीत नम्रता पॅनलच्या तेरा जागांपैकी अध्यक्षपद वगळता उपाध्यक्ष, सचिव, संचालक मंडळाचे बारा जागांवर बहुमत मिळवत वर्चस्व सिद्ध केले. परंतु महत्त्वाचे समजले जाणारे अध्यक्ष पदासाठी चोपडा तालुका सहकारी सुतगिरणीचे संचालक अमृतराव वाघ यांचा अठ्ठावीस मतांनी दारूण पराभव स्वीकारावा लागला.
दुसरीकडे पंचायत समितीचे माजी सदस्य अनिल हिम्मतराव पाटील यांच्या नेतृत्वाखाली लोकमान्य पॅनल ने नम्रता पॅनल ला आवाहन देत महत्त्वाचे समजले जाणारे अध्यक्ष पदासाठी विजयी झाले. विशेष म्हणजे लोकमान्य पॅनल चे तेरा पैकी बारा सदस्यांना या निवडणुकीत पराभव बघावा लागला. तर अत्यंत चुरशीची समजल्या जाणाऱ्या या निवडणुकीत परिसरातील नागरिकांचे लक्ष लागले होते. म्हणून अध्यक्ष पदाची माळ मतदारांनी अनिल हिम्मतराव पाटील यांच्या गळ्यात टाकण्यात आली. म्हणजे ज्या नम्रता पॅनल चे तेरा पैकी बारा जागा हे शंभराच्या मतांच्या पुढे निवडून आल्या. परंतू अध्यक्ष पदाचे उमेदवार अमृतराव वाघ यांना मात्र उमेदवारांनी नाकारले, असे म्हटले तर चुकीचे ठरणार नाही. तर दुसरीकडे लोकमान्य पॅनलच्या तेरा पैकी बारा संचालकांना मतदारांनी नाकारले आणि अध्यक्ष पदासाठी अनिल हिम्मतराव पाटील यांना मतदारांनी स्विकारले .
विजयी उमेदवार:-अध्यक्ष पदासाठी अनिल पाटील, उपाध्यक्ष म्हणून सुरेश सुराणा, सचिव साठी विक्रम माळी, संचालक म्हणून तुकाराम महाजन, गोकुळ महाजन, शशीकांत महाजन, गोरख पाटील, दिनेश पाटील, विजय कोळी, अनिस कुरेशी, पांडुरंग धनगर, दिपक मगरे, भास्कर पाटील हे निवडून आले आहेत. काल झालेल्या मतदान त्या दिवशी संध्याकाळी लगेच मतमोजणी पार पडली. निवडणूक निर्णय अधिकारी म्हणून एस ए पाटील यांनी काम पाहिले.