चोपडा (प्रतिनिधी) शासनाच्या निर्णयानुसार उपजिल्हा रुग्णालयात दीनदुबळ्यांना सहकार्य व्हावे व त्यांची सेवा व्हावी, या उद्देशाने महाराष्ट्र शासनाने केस पेपरही मोफत द्यावे असे आदेश काढले आहेत. परंतु यामुळे यात खरा लाभार्थी राहून जातोय. काही जण अनावश्यक केस पेपर काढून आपले औषधी घेताना दिसत आहे. मोफत केस पेपर असल्याने एक माणूस तीन-चार केस पेपर काढताना दिसून येत आहेत.
शासनाच्या आदेशाने केस पेपर मोफत द्यावा ही योजना सुरू केली. ही दीनदुबळ्यांसाठी चांगली असली तरी मात्र तिच्या अपव्यय थांबला पाहिजे, असे सुज्ञ जनतेकडून बोलले जात आहे. सामान्य जनता बोलतांना सांगते की, कमीत कमी दहा रुपये केस पेपरचे हवे होते. सूत्रांकडून माहिती मिळालेल्या नुसार दहा रुपये केस पेपर असताना उपजिल्हा रुग्णालयात जवळपास तीनशे ते सव्वा तीनशे रुग्ण आपले तपासणी करून घेत होते. मात्र, आता केस पेपर मोफत झाल्यापासून जवळपास 700 ते 800 केस पेपर दिले जात आहे.
काढलेला हा केस पेपर दुसऱ्या दिवशी येताना पेशंट किंवा रुग्ण घेऊन येत नसल्याने काल त्याने कोणत्या गोळ्या घेतल्या होत्या हेही सांगता येत नसल्याने डॉक्टरांची मोठी फजिती होत आहे. खोकला, टॉनिकच्या बाटल्या तसेच अँटिबायोटिक गोळ्या घेत असल्याने त्याला लागणारा डोस पेक्षा जास्त औषधी त्याच्या घरात जात असते. त्यामुळे काही खोकलांच्या बाटल्या अँटिबायोटिक, कॅल्शियमच्या गोळ्या ठराविक रुग्ण बाहेर मार्केटमध्ये विकत असल्याचे देखील येथील सामान्य जनतेतून सांगण्यात आले.
मोफत केस पेपर घेण्याच्या वेळी आधार कार्ड सक्तीचे असले तरी मात्र शेकडो पेशंट हे आधार कार्ड आणत नसल्याने केस पेपर देणे बसलेल्या इसमास देणे आवश्यक होऊन जाते. अन्यथा तो रुग्ण केस पेपर वाटणाऱ्यांला उंच आवाजात बोलणे सुरू करतो. यामुळे केस पेपर देणाऱ्याला केस पेपर देणे आवश्यक होत असते. यामुळे औषधींच्या तुटवडा मोठ्या प्रमाणात होत असल्याचे सूत्रांनी काहींनी सांगितले. त्यामुळे कालच्या केस पेपर आणल्याशिवाय आज कोणत्याही डॉक्टरांनी औषधी लिहून देऊ नये म्हणजेच औषधी घेण्यावर आळा बसेल. कोणत्याही आजाराला तीन, पाच किंवा सात अशा दिवसांचे डोस पूर्ण करावा लागतो.
आम्ही कालच सर्वांची मीटिंग बोलवली व उपाय योजना काय करावी याचे नियोजन चालू आहे. औषधी बाहेर विकणारा सापडला तर त्यावर नक्कीच पोलीस कारवाई करण्यात येईल. अनावश्यक केस पेपर घेऊन जाणाऱ्यांना सुद्धा आळा बसवण्यासाठी आम्ही उपायोजना आखलेली आहे. तसेच उपजिल्हा रुग्णालयात ज्यांच्या ज्यांच्या खाजगी गाड्या उभ्या राहतात त्यांना देखील स्पष्टपणे निर्देश देण्यात आलेले आहे. यापुढे गाडी लावल्यास पोलिस कारवाई करण्यात येईल.
-डॉक्टर सुरेश पाटील (उपजिल्हा रुग्णालय चोपडा)
