जळगाव (प्रतिनिधी) गर्दीचा फायदा घेत बसमध्ये चढणाऱ्या लक्ष्मी प्रमोद चौधरी (वय ३५, रा. जानकीनगर) यांच्या गळ्यातून मंगळसूत्र चोरुन नेले. ही घटना रविवारी दुपारी ३ वाजेच्या सुमारास नवीन बस स्थानकात घडली. याप्रकरणी एका महिलेसह तिच्या अल्पवयीन मुलीला पोलिसांनी ताब्यात घेतले असून त्यांच्याविरुद्ध गुन्हा दाखल करण्यात आला आहे.
शहरातील जानकी नगरात राहणाऱ्या लक्ष्मी प्रमोद चौधरी या महिला रविवार दि. २५ मे रोजी दुपारी ३ वाजेच्या सुमारास चाळीसगाव जाण्यासाठी जळगाव बसस्थानकात आलेल्या होत्या. बसमध्ये चढत असताना गर्दीचा फायदा घेत एका महीलेसह तिच्या अल्पवयीन मुलीने लक्ष्मी चौधरी यांच्या गळ्यातील मंगळसूत्र तोडले. हा प्रकार त्यांच्या लक्षात येताच लक्ष्मी चौधरी यांनी जिल्हापेठ पोलीस ठाण्यात धाव घेत तक्रार दिली. त्यानुसार जिल्हापेठ पोलिसात रात्री उशिरा गुन्हा दाखल करण्यात आला आहे. तपास पोलीस नाईक कमलेश पवार हे करीत आहे.
महिलेसह मुलगी ताब्यात
तक्रार देण्यासाठी महिला पोलीस ताण्यात आल्या असता, पोलीसांनी धाव घेतली. याठिकाणाहून संशतिय धुरपता अक्षय भोसले (वय ३०) आणि तिच्यासोबत असलेली तिची अल्पवयीन मुलगी (दोन्ही रा. सिल्लोड जि. छत्रपती संभाजी नगर) यांना ताब्यात घेतले.
