मुक्ताईनगर (प्रतिनिधी) तालुक्यातील एका गावात दारूच्या नशेत घरात घुसून विवाहितेचा विनयभंग केल्याप्रकरणी एकाविरुद्ध गुन्हा दाखल करण्यात आला आहे.
या संदर्भात पिडीत विवाहितेने दिलेल्या फिर्यादी नुसार दि. १ ऑगस्ट रोजी सकाळी ९ वाजेच्या सुमारास पिडीत विवाहिता आपल्या घरात स्वयंपाक करत होती. याचवेळी विशाल संजय मुंढे हा मद्याच्या नशेत घरात घुसला. पिडीत विवाहितेचा हात धरुन तु माझे बायकोला काय म्हणाली?, असे म्हणून अश्लील शिवीगाळ करुन मनास लज्जा उत्पन्न होईल असे कृत्य केले. यावेळी पिडीत विवाहितेचा भाऊ समजविण्यास गेला असता त्याला देखील अश्लिल भाषेत शिवीगाळ करुन चापटांनी मारुन त्याच्या छातीवर दातांनी चावा घेतला. याप्रकरणी विशाल मुंढे विरुद्ध गुन्हा दाखल करण्यात आला असून पुढील तपास पोहेकॉ श्रावण जवरे हे करीत आहेत.
