धरणगाव (प्रतिनिधी) शहरातील चेतन मोबाईल दुकाना समोरून मोटार सायकल चोरी झाल्याची घटना उघडकीस आली आहे. याप्रकरणी धरणगाव पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात शेख वसीम शेख रशीद (वय ३२, रा. बलचपुरा धरणगाव) यांनी दिलेल्या फिर्यादीनुसार, दि. २९ एप्रिल २०२२ रोजी अनोळखी इसमाने त्यांची २५ हजार रुपये किंमतीची काळ्या निळ्या रंगाची होंडा कंपनीची शाईन मोटारसायकल क्रमांक (MH १९ CE ४५९२) ही चोरुन नेली आहे. याप्रकरणी धरणगाव पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे. तसेच पुढील तपास सफौ योगेश जोशी हे करीत आहेत. दरम्यान, भर वर्दळीच्या परिसरात मोटारसायकल चोरीला गेल्यामुळे आश्चर्य व्यक्त होत आहे.
