नवी मुंबई (वृत्तसंस्था) ‘कुमकुम भाग्य’मध्ये इंदू दासीची भूमिका साकारणारी टीव्ही अभिनेत्री झरीना रोशन खान यांचे निधन झाले. त्यांनी वयाच्या ५४व्या वर्षी अखेरचा श्वास घेतला आहे. या घटनेमुळे हिंदी मालिका विश्वावर शोककळा पसरली आहे.
कार्डिऍक अरेस्टमुळे त्यांनी अखेरचा श्वास घेतला. त्यांच्या अशा अचानक जाण्यामुळे संपूर्ण कलाविश्वात शोक व्यक्त केला जात आहे. शिवाय सोशल मीडियाच्या माध्यमातून अनेक चाहत्यांनी त्यांना श्रद्धांजली वाहिली आहे. ‘कुमकुम भाग्य’ मालिकेतील त्यांच्या इंदू दादीच्या भूमीकेने अनेक चाहत्यांच्या मनात घर केले होते .
त्याच्या निधनाच्या बातमीने ‘कुमकुम भाग्य’ मालिकेच्या संपूर्ण टीमला मोठा धक्का बसला आहे. दरम्यान, यंदाच्या वर्षी अनेक दिग्गज कलाकारांनी आपले जीव गमावले आहे. त्यामुळे कलाविश्वाला मोठ्या प्रमाणात धक्का बसला आहे. काहींचा मृत्यू कोरोनामुळे तर काहींनी अन्य आजारामुळे आपले प्राण गमावले आहेत.
शबीरने तिच्याबरोबर एक फोटो पोस्ट केला आणि लिहिले की, “ये चांद स रोशन छेहरा.” श्रद्धा आर्य, मृणाल ठाकूर, अंकित मोहन आदींसह सेलिब्रिटींनीही शबीरच्या पोस्टवर झरीना रोशन खान यांना श्रद्धांजली वाहिल्या.
