मुक्ताईनगर (प्रतिनिधी) भरधाव वेगाने येणाऱ्या अज्ञात वाहनाने जोरदार धडक दिल्याने शुभम राजू उंबरकर (वय २२ रा. मुक्ताईनगर जि.जळगाव), या दुचाकीस्वाराचा दुदैवी मृत्यू झाल्याची घटना गुरूवारी मध्यरात्री १ वाजता मुक्ताई साखर कारखाना समोर घडली आहे. याप्रकरणी अज्ञात वाहनावरील चालकावर मुक्ताईनगर पोलीस ठाण्यात गुन्हा दाखल करण्यात आला आहे.
शुभम उंबरकर हा तरूण आपल्या परिवारासह वास्तव्याला होता. गुरूवारी ३ ऑक्टोबर रोजी रात्री १ वाजता शुभम हा दुचाकी क्रमांक (एमएच १९ डीएक्स ९४१२) ने रात्री घरी जात असतांना घोडसगाव शिवारातील राष्ट्रीय महामार्गावर समोरून येणाऱ्या अज्ञात वाहनाने त्यांच्या दुचाकीला जोरदार धडक दिली. या धडकेत शुभम हा गंभीर जखमी झाल्याने त्यांचा उपचारापुर्वीच मृत्यू झाला. याप्रकरणी मुक्ताईनगर पोलीस ठाण्यात अज्ञात वाहनचालकावर गुन्हा दाखल करण्यात आला. पुढील तपास पोहेकॉ संजय पवार हे करीत आहे.
