नशिराबाद (सुनिल महाजन) येथील न्यू इंग्लिश स्कूल परिवारातर्फे आषाढी एकादशी भक्तीमय वातावरणात आणि उत्साहात साजरी करण्यात आली. यावेळी चिमुकल्यांनी दिंडी काढली. सर्वप्रथम पालखीचे पूजन गणपत पाटील व मान्यवरांच्या हस्ते करण्यात आले.
या सोहळ्यास प्राथमिक व माध्यमिक विभागाचे सर्व विद्यार्थी सहभागी होते. त्यांनी सर्वांनी वारकरी वेशभुषा परिधान करून हातात टाळ, मृदंग, झांज व लेझीम पथकांनी संपूर्ण नशिराबाद शहर विठ्ठलाच्या नामाने भक्तिमय केले. या सोहळ्यात खालील विद्यार्थांनी सजीव आरास सादर केली. त्यात विठ्ठलाच्या वेशभूषेत चंद्रकांत सावकारे व मंदार वाणी तर रुक्मिणी पूर्वा चौधरी व स्वरा चौधरी यांनी केली. तसेच संत तुकाराम – आदित्य ढेंगले, संत एकनाथ – जीत पाटील, संत ज्ञानेश्वर – भावेश काळे व दर्शन पाटील, संत नामदेव – ईशान भरत, संत सावता – भूमीत पाटील तर संत नरहरी सोनार – साई सोमवंशी इत्यादी विद्यार्थांनी वेशभूषा सादर केल्या.
यात इयत्ता ४ थी चे विद्यार्थी यांनी माऊली, माऊली … या गीतावर गावातील मेन चौकात नृत्य सादर केली. या सोहळ्यात संस्थेचे कार्याध्यक्ष योगेश पाटील, अध्यक्ष जनार्दन माळी, उप कार्याध्यक्ष प्रमिला ताई महाजन, संचालक राजूदादा पाटील व विनायक वाणी, सुनिता ताई पाटील यांनी प्रत्यक्ष दिंडीत हजर राहून आमच्या विद्यार्थ्यांचा आनंद व्दिगुणित केला. त्याचप्रमाणे या सोहळ्यास सर्व संचालक, मुख्याध्यापक सी बी अहिरे, प्रविण महाजन व पर्यवेक्षक बी आर खंडारे, सर्व शिक्षक – शिक्षकेत्तर कर्मचारी, ग्रामस्थ उपस्थित होते.
या पालखी सोहळ्यास प्रारंभ विठ्ठल मंदिरापासून करण्यात येऊन इंदिरा चौक – शिवाजी चौक – राम पेठ – स्वातंत्र्य चौक मार्गे पुन्हा विठ्ठल मंदिराजवळ सांगता करण्यात आली. या दिंडीत सर्व विद्यार्थ्यांना राजगिरा लाडू व पेढा देण्यात आला. या सोहळ्यास सर्व पालकांनी ठीक – ठिकाणी रांगोळी काढून पूजन करून पालखीचे स्वागत केले. या कार्यक्रमाचे नियोजन प्राथमिक विभागात पूजा पाटील, ज्योती बारी तर माध्यमिक विभागात अनिल चौधरी, राजेंद्र पाचपांडे यांनी केले. त्यांना सर्व शिक्षक व शिक्षकेत्तर कर्मचारी यांचे सहकार्य लाभले.
