जळगाव (प्रतिनिधी) गेल्या काही वर्षांपासून महापालिकेच्या अतिक्रमण विभागाला अतिक्रमण काढण्यासाठी मागणी व वारंवार निवेदन देण्यात आले होते. गेल्या दीड वर्षांपासून हे प्रकरण महापालिका प्रशासनाला माहिती असतांना अजूनपर्यंत कोणत्याही पध्दतीने कारवाई करण्यात आलेली नाही त्यामुळे संतप्त ख्वॉजामिया परिसरातील नागरीकांना आज महापालिकेच्या मुख्य प्रवेशद्वाराजवळ धरणे आदोलन करण्यात आले.
गेल्या दीड ते दोन वर्षांपासून गणेश कॉलनी परिसरातील ख्वाजामियालगत असलेल्या मुख्य रस्त्यावर मोठ्या प्रमाणावर अतिक्रमण करण्यात आले आहे. आज महापालिकेत महासभा असल्यामुळे महापालिकेचे आयुक्त सतिष कुळकर्णी हे महापालिकेच्या आवारात येतात धरणे आंदोलकांना ढोल बजाव आंदोलन केले. तसेच आयुक्त सतिष कुळकर्णी यांनी अतिक्रमण कारवाईबाबत विलंब का होत आहे असा जाब विचारला. यावर आपण लवकर चर्चा करणार असल्याचे आयुक्त कुळकर्णी यांनी सांगितले. गेल्या काही वर्षांपासून महासभेत व प्रत्यक्ष गणेश कॉलनी रोडवरील ख्वॉजामीया दर्ग्यालगत रस्त्यावरील अतिक्रमण काढण्याबाबत पाठपुरावा करून देखील प्रशासन कारवाई करत नसल्यामुळे कुंभकर्णी प्रशासनाविरोधात आज महानगरपालिकेच्या मुख्यप्रवेशद्वाराजवळ सत्ताधारी भाजपाच्या नगरसेवकांना आज धरणे आंदोलन करण्यात आले. यावेळी शिवसेना नगरसेवक बंटी जोशी, नगरसेवक प्रशांत नाईक, नगसेवक गणेश सोनवणे, नगरसेवक कैलास सोनवणे, उपमहापौर सुनिल खडके, नगसेवक सचिन पाटील, अतुलसिंग हाडा यांच्यासह गणेश कॉलनी व ख्वॉजामिया परिसरातील नागरीक मोठ्या संख्येने उपस्थित होते.
