धरणगाव (प्रतिनिधी) शहरातील जी.एस.लॉंन्स मागील कृष्णा-गीता नगरमधून घरासमोरून एकाची दुचाकी लांबवल्याची घटना घडली आहे. याप्रकरणी धरणगाव पोलिसात अज्ञात व्यक्तीविरुद्ध गुन्हा दाखल करण्यात आला आहे.
या संदर्भात ज्ञानेश्वर सखाराम पवार (रा.कृष्णा-गीता नगर, धरणगाव) यांनी नेहमी प्रमाणे दि. ३ नोव्हेंबर रोजी रात्री ८ वाजेच्या सुमारास घरासमोर आपली स्प्लेंडर मोटारसायकल (एमएस.१९ ए.डब्ल्यू ७६१९) ही लावली होती. परंतू दुसऱ्या दिवशी पहाटे साडेचार वाजेच्या सुमारास बघितले असता अंगणातून मोटारसायकल नव्हती. सगळीकडे शोधाशोध घेतल्यानंतरही मोटारसायकल मिळून आली नाही. त्यामुळे ज्ञानेश्वर पवार यांनी दि. ८ नोव्हेंबर रोजी दुपारी धरणगाव पोलिसात अज्ञात चोरट्याविरुद्ध गुन्हा दाखल केला असून पुढील तपास पो.ना. उमेश पाटील हे करीत आहेत.
