जळगाव (प्रतिनिधी) धुळे जिल्हा मोटर ड्रायव्हींग स्कुल असोसिएशनच्या पदाधिकारी यांनी महाराष्ट्र राज्य मोटर ड्रायव्हिंग स्कुल असोसिएशनचे अध्यक्ष राजू घाटोळे (पुणे), यशवंत कुंभार (पुणे), आपटे (पुणे), सुनीता चौहान (कार्याध्यक्ष-ठाणे), विवेक खाडे (ठाणे) अशा वरीष्ठ पदाधिकाऱ्यांच्या उपस्थितीत ड्रायव्हींग स्कुल संचालकांचा विभागीय संवाद मेळावा धुळे येथे आयोजित करण्यात आला आहे.
ड्रायव्हींग स्कुल संचालकांना येणाऱ्या अडचणी, व्यवसायात झालेले बदल, उत्कृष्ट वाहन चालक घडवण्याची जबाबदारी, अपघात मुक्त महाराष्ट्र, याबाबत सविस्तरपणे मार्गदर्शन करण्यात येणार आहे. जळगाव जिल्ह्यातील प्रत्येक संचालकाने आवर्जून उपस्थित रहावे असा हा मेळावा आहे. आज पर्यंत खान्देशात असा मेळावा झाला नाही. धुळे जिल्हा मोटर ड्रायव्हींग स्कुलचे अध्यक्ष सुनील चौधरी व त्यांचे सर्व सहकारी आपल्या आगमनाची प्रतीक्षा करत आहेत. धुळे येथील रेसिडेंसी पार्क हॉटेल, मुंबई आग्रा हायवे येथे ३० ऑक्टोबर २०२१ रोजी सकाळी ११ वाजता कार्यक्रमाला सुरुवात होईल.
अतिशय तळमळीने पुणे-मुंबई येथील पदाधिकारी आपले प्रश्न मांडत आहेत. आपण त्यांना साथ दिली पाहिजे. टीप-जळगाव जिल्ह्यातील पदाधिकारी नियुक्तीपण त्याठिकाणी होणार आहे. जळगाव येथील कॅम्प दि. ३० ऑक्टोबरला उघडण्यात येणार नाही. याबाबत परिवहन कार्यालय सहकार्य करत आहे. म्हणून धुळे येथे आपण उपस्थित रहावे, असे आवाहन राज्य उपाध्यक्ष अँड. जमील देशपांडे यांनी केले आहे.
