चोपडा (प्रतिनिधी) तालुक्यात शिक्षकी पेशाला काळीमा फासणारी घटना घडली असून शिक्षकानेच एका अल्पवयीन विद्यार्थीनीचा विनयभंग केल्याची संतापजनक घटना समोर आली आहे.
या संदर्भात अधिक असे की, तालुक्यातील एका गावातील शाळेत पिडीत १३ वर्षीय अल्पवयीन मुलगी ८ वी मध्ये शिकते. सुनील संतोष भागवत हा संशयित आरोपी हा देखील सदर शाळेत शिक्षण म्हणून नोकरीला आहे. सुनील भागवत याने पिडीता अल्पवयीन असल्याचे माहित असूनही पिडीतेसोबत वैयक्तीक संबंध प्रस्तापित करण्याच्या वाईट उद्देशाने पिडीतेच्या आईचा नंबरवर दिनांक १५ जानेवारी ते आज पावेतो वेळोवेळी फोन करून अश्लील संभाषण केले. तसेच दि. ४ फेब्रुवारी रोजी सकाळी १०.३० ते ११ वाजेच्या सुमारास पिडीता शाळेत एकटी असतांना तिच्या मनास लज्जा उत्पन्न होईल असे गैरकृत्य केले. या प्रकरणी शिक्षक सुनील भागवत विरुद्ध पोस्कोसह विविध कलमान्वये चोपडा शहर पोलिसात गुन्हा दाखल झाला असून पुढील तपास पो उपनिरीक्षक घनश्याम तांबे हे करीत आहेत.
