पारोळा (प्रतिनिधी) इंडिका कारला अज्ञात वाहनाने धडक दिल्याने झालेल्या अपघातात महिला ठार तर तीन जखमी झाल्याची घटना दि. ९ रोजी दुपारी राष्ट्रीय महामार्गाच्या बायपासवर घडली.
धुळेकडून जळगावकडे जाणाऱ्या (एमएच१९ / बीयू१७१७) या कारला पारोळा बायपासवर एका अज्ञात वाहनाने जोरदार धडक दिली. त्यात बबलू अनुसे (३५), दुर्गाबाई अनुसे (६४), गोपीबाई कोकरे (६०) हे जखमी झाले तर पुष्पाबाई रमेश काले (४५) यांचा जागीच मृत्यू झाला. अपघाताची माहिती मिळताच रुग्णवाहिकेचे चालक शेलार, ऋषिकेश सूर्यवंशी, रोशन पाटील, तुषार शेलार, राहुल भावसार यांनी जखमींना कुटीर रुग्णालयात दाखल केले. दरम्यान, अज्ञात वाहनाचा शोध पोलिसांनी सुरु केला आहे.
